Archive - 21 Пуш, 2015

21 Пуш, 2015

Паттăрлăх урокĕ

Тăван çĕршывăн Аслă вăрçинче çĕнтернĕренпе кăçал 70 çул çитет. Вăрçă тата тыл ветеранĕсене уява йыхравласа чысласси йăлана кĕрсе пырать.

Çак эрнере Шупашкарти медицина колледжĕн студенчĕсем те сумлă хăнасемпе тĕл пулчĕç.

21 Пуш, 2015

Ĕçлекен халăх пурăнать

Мана пуринчен ытла паянхи кризис хумхантарать. Хаксем калама çук вăйлă ÿссе кайрĕç, лавккана кĕрсен те, пасара кайсан та нимĕн илме аптрамалла. Халăх малтанхи пек мар, чи кирлине кăна туянать. Эпĕ пĕлекен чылай çамрăк Шупашкартан Канаша куçса кайрĕ.

21 Пуш, 2015

Вăйă вăхăтĕнче миллионера çаврăнатпăр

"Шупашкарта аттракционсем ĕçлеççĕ-и? Ачана уяв туса парас килет", - шăнкăравлать ялта тĕпленнĕ юлташ. "Укçуна ытларах хатĕрле. Таçта та ачан кăмăлне тупма пулать", - терĕм ăна.

Кану паркĕсенче халăх яланхи пекех йышлă. Пĕр, икĕ, виçĕ ачаллă çемьесем куç тĕлне пулаççĕ. Тĕрлĕ ÿсĕмри пепкесем валли вылямалли, ярăнмалли вырăнсем йĕркелеме тăрăшни паха. Мĕн пытармалли, пушă вăхăта ачасен савăнса-кулса ирттерес килет.

21 Пуш, 2015

Михаил Игнатьев республика Пуçлăхĕн суйлавне кандидат пулса хутшăнассине пĕлтерчĕ

Республикăри МИХсен ĕçченĕсемпе Михаил Игнатьев пĕлтĕр çурла уйăхĕнче тĕл пулнăччĕ. Калем ăстисен, республика Пуçлăхĕпе тĕрлĕ мероприятире час-часах хутшăнма тивсен те, ыйту нумай пухăнса кайнă.

21 Пуш, 2015

Çирĕп те ешĕл калча

Калча иккĕ-виççĕмĕш çулçине кăларсан ăна куçарса лартмалла. Ку тĕллевпе çирĕпписене, паркисене суйламалла. Малтанах тăпрана пĕчĕк калакпа кăштах çемçетсен те юрать. Калчасене тунинчен мар, çулçинчен туртса кăлармалла. Тымар çинчи тăпрана сыхласа хăварсан аван.

Кашни калчана уйрăм савăта лартма май килмесен ешчĕкре вĕсене пĕр-пĕринчен 10 сантиметрта май пур таран тарăнрах вырнаçтармалла. Тăпрана тымар çумне пусармалла, çĕнни часрах аталантăр. Калчана çулçинчен туртса пăхмалла - çирĕп ларать-и? Кун хыççăн шăварма та юрать.

21 Пуш, 2015

Командировка

/Вĕçĕ. Пуçламăшĕ иртнĕ номерте/.

Килтен тухсанах тĕл пулнă карчăкăн кăмăлĕ лайăх пулчĕ пулас. Палăртнă çĕре питĕ ăнăçлă çитрĕм. Телейĕме пула хамăн çамрăк чухне юратнă тусăм Оля килтех пулчĕ. Вăл хăйĕн пурнăçне мăшăрпа ирттерме Турă çырман пулĕ тесе урăх каччăпа пĕрлешме шухăшламан. Çут тĕнчене килнĕ пĕртен-пĕр ачипе йăпанса пурăннă.