Archive - 17 Пуш, 2015

Март уйăхĕн 13-мĕшĕнче Чăваш Ен Пуçлăхĕ Михаил Игнатьев «Ачалăх ячĕпе, ачалăхшăн» йăлана кĕнĕ марафона тата ача-пăча юррисен «Кăвакалăн пĕчĕк чĕпписен ташши» пĕтĕм тĕнчери фестивальне уçрĕ.

Чăваш Ен Пуçлăхĕ Михаил Игнатьев ĕнер Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

Чăваш Енре çăмăл промышленноç валли кадрсене професси пĕлĕвĕ паракан 6 вĕренÿ учрежденийĕнче хатĕрлеççĕ. Кăçалхи январь уйăхĕн пуçламăшĕ тĕлне вĕренекенсен пĕтĕмĕшле хисепĕ 717 çын пулнă. Çапах та асăннă кластер пуласлăхĕ çинчен ĕçлĕ калаçу пуçарасси кадрсен çителĕклĕхĕнчен ытларах вĕсене пахалăхлă пĕлÿ парассипе çыхăнчĕ. Мартăн 13-мĕшĕнче çăмăл промышленноç валли ĕçченсем хатĕрлес ыйту тавра Шупашкарти механика-технологи техникумĕнче йĕркеленĕ "çавра сĕтеле" Чăваш Республикин Пуçлăхĕ Михаил Игнатьев та килсе çитрĕ.

Паллă сăлтавсене пула çĕршыв экономикинче йывăрлăхсем сиксе тухнăран Чăваш Республикин бюджет çухатăвĕ кăçал 3,3 млрд тенкĕ ытла пулать - влаçсем çак прогноза тĕпе хурса ĕçлеççĕ. Çавна май çухатăва саплаштармашкăн мĕнпур резервпа усă курмалли - куçкĕрет. Акă, мĕншĕн ĕç паракансем хăйсен ĕçченĕсене тивĕçлĕ шалу тÿлесе хыснана шайлашуллă налук хывни пысăк пĕлтерĕшлĕ. ЧР Пуçлăхĕ çумĕнчи Ведомствăсен республикăн пĕрлехи бюджечĕн тупăшне ÿстерес, ĕç укçине вăхăтра тата туллин парас енĕпе ĕçлекен пĕрлехи комиссийĕн черетлĕ ларăвĕнче шăпах çак ыйтусене сÿтсе яврĕç.

ОСАГО страхованийĕн рынокĕнче тухса тăнă çивĕчлĕхе Федерацин монополипе кĕрешекен службин республикăри управленийĕн ертÿçи Вячеслав Борисов шăпах çапла хаклать: «Лавккара эсир пĕр кило рис туянсан сире никам та çийĕнчен тата тепĕр кило сĕлĕ туянма хистемĕ. Страхованире вара - хистеççĕ». ФАС управленийĕ ку енĕпе Росгосстрахпа пĕлтĕртенпех «çапăçни» паллă, çавна май Вячеслав Аркадьевич страхлакан компани монополипе кĕрешекенсен предписанийĕсене мĕнле пурнăçлани çинчен каласа пачĕ.

Хĕл кунĕсем - автомобилистсемшĕн ансат мар вăхăт. Вĕсем хыçа юлнине ЧР ШĔМĕн Çулçӳрев хăрушсăрлăхĕн патшалăх инспекцийĕн управленийĕн пуçлăхĕ Владимир Романов та уйрăммăн пĕтĕмлетес терĕ пулас - январь-февраль уйăхĕсенчи лару-тăрупа паллаштарма журналистсене пухрĕ.

Чăвашра пултаруллă çынсем йышлă. Вĕсенчен пĕри - Чăваш халăх артисчĕ Леонид Родионов режиссер. Шупашкарти театр техникумне пĕтернĕ, ăсталăхне

Апполон - Авалхи Греци Турри, кĕрешÿçĕсене хÿтте илекен. Ăна хĕвелпе танлаштараççĕ. Хĕвел шевлисем пĕтĕм тавралăха сапаланнă евĕр унăн çĕмренĕсем те аякка-аякка вĕçсе çитеççĕ. Хĕвел пурне те курнă евĕр вăл та пĕтĕмпех пĕлет. Хĕвел хăйĕн ăшшипе чир-чĕртен сипленĕ евĕр вăл та аманнă чуна сыватать. Апполон усал-тĕсĕле çĕнтерет, вăл - çутăпа пурнăç Турри* çĕр çине ырăлăхпа хитрелĕх ярать. Çак сăмахсене ахальтен аса илмерĕм. Вĕсем 1995 çулта Çĕнĕ Шупашкарти ачасемпе çамрăксен пултарулăх центрĕнче уçăлнă "Апполон" спорт клубĕн тĕп каларăшĕсем пулса тăнă.

Геннадий Попов Францире 10 çул ытла ĕçленĕ. Укçа-тенкĕ, ăнăçу, юратнă çемье - веçех пулнă унăн. Францири судьясен хăрушă йăнăшне пула пĕр самантра пĕтĕмпех çухатнă. Халĕ вăл Тверь облаçĕнчи Жуково ялĕнче юлашки 20 çулта сÿнмех пуçланă пурнăçа çĕнĕрен чĕртет.

Хуратул пăттине пĕрисем шутсăр кăмăллаççĕ. Услам çу ытларах ярсан пушшех те - чĕлхе çăтса яманни кăна. Теприсем - аплах мар. Ытларах - арçынсем. Салтакра пулнисем. «Унта кулленех çинĕ. Халĕ урăх апатпа сăйланар-ха», - теççĕ. Тиркенĕрен мар калаççĕ вĕсем çапла. Паллах, пĕр йышши апата кунран-кун çисен такам та йăлăхĕ. Анчах çак техĕмлĕ пăтта çар çыннин рационне мĕншĕн кĕртни çинчен вĕсем шухăшласа пăхнă-ши? Çук та пулĕ.