Archive - 11 Пуш, 2015

11 Пуш, 2015

Культура, литературăпа искусство ĕçченĕсен ушкăнĕ республикăри тата ытти регионсенчи муниципалитет йĕркеленĕвĕсен, предприятисемпе организацисен ертÿçисене, тĕрлĕ шайри депутатсене, пайтаçăсене ЧĔНСЕ КАЛАНИ

Халăх вулама пăрахса пынине чылай сăнавçă хальхи вăхăтăн тĕп тата пăшăрханмалли палăрăмĕ тесе шутлать. Нумаях пулмасть кăна-ха вара пирĕн çĕршыва тивĕçлипех «чи нумай вулаканни» тетчĕç. Кĕнеке вулакан наци çеç илемлĕх пахалăхĕсене тата ытти хаклăхсене тĕнче шайĕнче тума пултарать. Вулассипе çыхăннă çивĕч ыйту Раççейри халăхсен чĕлхисене сыхласа хăварассипе тачă çыхăннă. Литература - темиçе ĕмĕр пухнă культура пуянлăхĕ - хальхи тата пулас ăрусен ăс-хакăл аталанăвĕн тĕп никĕсĕсенчен пĕри. Шăпах ачасем вуламанни паян хытă пăшăрхантарать.

11 Пуш, 2015

Перекетлĕх пурнăç тытать

Кăçал инфляци шайĕ ÿсессе кура бюджет тытăмĕнче ĕçлекенсен тупăшĕ чакма пултарасси никамшăн та вăрттăнлăх мар. Мартăн 7-мĕшĕнче Чăваш Ен Пуçлăхĕ Михаил Игнатьев Елчĕк, Комсомольски тата Канаш районĕсен депутачĕсемпе, хисеплĕ çыннисемпе тĕл пулнă май çакăн çинчен шарламасăр иртмен.

11 Пуш, 2015

Çамрăксемпе ял телейлĕ

Пÿртри путенесем

Çутçанталăк газĕпе усă курни ырăлăх çав: пÿртре ăшă. Путенесем те читлĕхре хаваспах кĕшĕлтетеççĕ, чĕвĕлтетеççĕ. Кил хуçи акă читлĕхрен пĕчĕк çеç пăчăр-пăчăр çăмартасем илчĕ. Кăнтăрлахи е каçхи апата вĕсемпе пуянлатма пулать. "Çисе тăрантăмăр. Халĕ путене çăмарти патне чун ытлашши туртмасть", - терĕ 32 çулти Владимир Лавров.

11 Пуш, 2015

Иртнĕ кун çути сÿнмест

Патăрьел районĕнчи Алманчă ялĕнче краеведени музейĕ 1968 çултанпа ĕçлет. Ăна Василий Васильев вĕрентекен пуçарăвĕпе йĕркеленĕ. Çарпа ĕç мухтавĕн пÿлĕмĕ малтанах шкул çумĕнче пулнă.

Пÿлĕмрен - краеведени музейĕ

11 Пуш, 2015

Шĕмшешсем «суперах-ши»?

Элĕк районĕнчи Шĕмшешри культура çурчĕ иртнĕ ĕмĕрĕн 90-мĕш çулĕсенче кĕрлесе çеç тăнă. Юрă-кĕвĕ сасси таврана ян! кайнă. Каярахпа вăл шăпланнă. Пĕр вăхăт хупăнса та тăнă. Хупă клуб халăха кăсăклантарман паллах.

- Иртнĕ çул «Ялти культура çурчĕсене юсаса çĕнетес» программăна хутшăнса грант çĕнсе илтĕмĕр, - терĕ Роза Александрова ерт.çĕ. - Баян, сцена тумтирĕ, çутăпа сасă аппаратури тивĕçрĕ пире.

11 Пуш, 2015

Пире-и хăратайăн йывăрлăхпа?..

Мартăн 7-мĕшĕнче Чăваш Ен Пуçлăхĕ Михаил Игнатьев Елчĕк, Комсомольски, Канаш районĕсенче пулнă, вырăнсенчи депутатсемпе, ял тăрăхĕсен пуçлăхĕсемпе, районсенчи хисеплĕ çынсемпе курнăçнă.

11 Пуш, 2015

Шаймиев - Тутарстан бренчĕ пирки: Юланутçă çĕр çинче шуса çÿреймест!

Тутарстанăн халь "çĕнĕ сăн-сăпачĕ" пур, ку вăл пĕтĕм тĕнчене республикăпа паллаштаракан бренд, е урăхларах каласан - пичет. Çак брендăн ячĕ - "Тутарстан эткерлĕхĕ". Кăсăклантарать-и? "Комсомольская правда" пĕтĕмпех пĕлет, хăй пĕлнипе сире те паллаштарма хатĕр:

Туртара - ик шухă ăйăр,

11 Пуш, 2015

«Власов следователь» йĕрĕпе...

- Мăнукăм шăнкăравласа сехрене хăпартрĕ, - паян та сасси чĕтренсе тухать Валентина Ивановнăн. - Лавккана тухнă та çул çинче такампа тытăçса кайнă, ăна чышса янă, лешĕ ÿксе йывăр суранланнă иккен. «Следователĕ йĕркеллĕ, калаçсан айăпласран хăтăлса юлма пулать. Телефона ăна парам-ха...» - терĕ. Хăйĕнпе Власов следователь тесе паллаштарнăскер йывăр суранланнăскерĕн тăванĕсемпе калаçнă-мĕн - вĕсем çураçма хирĕç мар. Анчах çынна сиплеме укçа тÿлемелле - «эсир пулăшма хатĕр-и? Унсăрăн мăнукăр 8 çуллăхах ирĕклĕхсĕр юлма пултарать». Хăй манăн мăнук ятне те пĕлет вĕт-ха...

Pages