Archive - Утă 2014

июля 23rd

23 Утă, 2014

Ӳсĕрле те мухмăрла

Урă мар водитель айăпĕпе çул çинче питех те нумай инкек пулса иртет. Руль умне ÿсĕр ларакана темĕн пек хытараççĕ – правине туртса илеççĕ, штраф хураççĕ, темиçе талăка хупса та лартаççĕ, анчах вĕсемшĕн пур пĕрех ик айкки те тăвайкки темелле.

Çак уйăхăн 10-12-мĕшĕсенче республикăра "Урă мар водитель" рейд йĕркеленĕ. Тăтăшах иртет вăл, анчах ÿсĕрле е мухмăрла çула тухнă водительсен йышĕ чакма пĕлмест. Хальхинче виçĕ кунра полици ĕçченĕсем 122 çынна тытса чарнă, вĕсенчен 47-шĕ хăйсем урă маррине тухтăрсем патĕнче тĕрĕслеттерме килĕшмен.

23 Утă, 2014

Ĕç пур, шалу пĕчĕк...

Ялта ĕç çукки çинчен калаçатпăр час-часах. Комсомольски район сайтне кĕнĕ май ĕç вырăнĕсем пуррине асăрхарăм. Тĕрлĕ хуçалăхра выльăх тухтăрĕ, зоотехник, агроном, инженер, механизатор тата ытти специалист кирлĕ. Пурне те тара илнĕ хваттерпе тивĕçтереççĕ. Ĕç укçи тĕрлĕрен. Сăмахран, выльăх тухтăрĕн – 10000 тенкĕ, тĕп агрономăн – 11142, трактористăн – 10000, дояркăн – 8000, хуралçăн – 5500.

23 Утă, 2014

«Шуçăм» çути

Тÿскелсем районти ытти çыншăн тĕслĕх шутланаççĕ. Пур енĕпе те маттур вĕсем: ĕçлес, юрлас-ташлас тĕлĕшпе те, спортра та малтисен ретĕнче. Пĕр-пĕринпе туслă пурăнни йывăрлăха çĕнтерме пулăшать. Акă чылай çул маларах çамрăксем субботниксем йĕркелесе спортзал, ташă площадкипе парк тунă, темиçе пĕве пĕвеленĕ. Унта пулăсем янă.

23 Утă, 2014

Тус-тçванпа савçнма аван

– "Хресчен сасси" хаçатра хамăр ял çыннисен сăнĕсене куртăм та çав тери хĕпĕртерĕм,– эпир ăçтан килнине пĕлсен калаçăва тÿрех çакăнтан пуçларĕ Шупашкар районĕнчи Атăльялта пурăнакан Лидия Фадеева.– Пирĕн тăрăхра маттур та ĕçчен чăвашсем пурăнаççĕ. Вĕсене хаçатра кăларса пархатарлă ĕç тăватăр.

23 Утă, 2014

Министрсен ĕçне мĕнле хаклаççĕ?

«Медиалогия» компани Раççей Федерацийĕн министрĕсен медиарейтингне - 2014 çулхи çĕртме уйăхĕшĕн - хатĕрленĕ

Ку хутĕнче ют çĕр-шыв ĕçĕсен министрĕ Сергей Лавров, оборона министрĕ Сергей Шойгу, энергетика министрĕ Александр Новак - лидерсем.

Ют çĕр-шыв ĕçĕсен министрĕ Сергей Лавров хутшăннипе иртнĕ паллă пулăмсем:

- ПНО Хăрушсăрлăх Канашĕн ларăвĕн пĕтĕмлетĕвĕсем тăрăх Раççей вут-хĕме васкавлăн чармалли пирки тата Украинăра мирлĕ калаçусем ирттерме пуçламашкăн ыйтса резолюци проектне тăратассине пĕлтернĕ*

23 Утă, 2014

Хĕр те вăрланă, купăс та каланă...

Сĕнтĕрвăрри районĕнчи Октябрьски салинче пурăнакансем ял йĕркеленнĕренпе 155 çул çитнине халалласа уяв ирттернĕ. Асăннă ял тăрăхĕнче байкерсем мотоциклсемпе Раççей, Чăваш Ен, Сĕнтĕрвăрри ялавĕсене вĕлкĕштерсе урампа иртнĕ.

23 Утă, 2014

Кредитпа тĕллевлĕ усă курмалла

Пирĕн ялсем «АПК аталанăвĕ» наци программипе килĕшÿллĕн мăйракаллă шултра выльăх туянма тесе банкран кредит илчĕç те хулара хваттер туянчĕç. Çакă саккунпа килĕшсе тăрать-и?

К.КОСТИНА.
Канаш районĕ.

Çапла, хăш-пĕр çемье ăна хуралтă е сарай хăпартма, е ăратлă выльăх туянма мар, пачах урăх çĕре явăçтарать. Çакна ЧР Ял хуçалăх министерстви тĕрĕслев ирттерсе çирĕплетнĕ.

23 Утă, 2014

"Хаçат-журнала пулăшмаллах..."

Раççей çыхăну ĕçченĕсен профсоюзĕн президиумĕн членĕсем федерацин Атăлçи округĕн регионĕсем тăрăх ĕçлĕ çÿреве тухнă. Тутарстан тăрăхĕнчи хастарсемпе Хусанта тĕл пулнă хыççăн вĕсем утă уйăхĕн 18-мĕшĕнче Чăваш Ене çитрĕç. Союзсен çуртĕнче президиум ларăвĕ иртрĕ.

Pages