Archive - 8 Jul, 2014

8 Jul, 2014

Артемпа Настя - юратнă ятсем

Ача çут тĕнчене килни кашни çемьешĕнех пысăк хĕпĕртев. Шупашкарта пĕрремĕш çур çулта 4068 пепке çуралнă. Республикăн тĕп хули 2117 арçын ачапа тата 1951 хĕр ачапа "пуянланнă". 43 çемье - йĕкĕреш çуралнине паллă тунă. Пĕр çемьене вара харăсах виçĕ "çĕнĕ кайăк" вĕçсе килнĕ.

8 Jul, 2014

Тĕслĕхлĕ мăшăрсене чысланă

25 çултан ытларах пĕрле пурăнакан, ĕçре пысăк çитĕнÿсем тунă, ачисене тивĕçлĕ воспитани панă мăшăрсене Çемьепе, юрату тата шанчăклăх кунĕнче "Юратупа шанчăклăхшăн" медальпе чысласси йăлана кĕнĕ.

8 Jul, 2014

Тÿлемеллине тÿлесшĕн мар

Ачаллă граждансене тÿлекен пособисен, вĕренекен çамрăксене паракан стипендисен виçи темле пысăк тееймĕн, анчах нумайăшĕшĕн çак укçа та - лайăх тĕрев. Апла тăк ăна вăхăтра тата туллин тÿлени пысăк пĕлтерĕшлĕ. Шел, хăш-пĕр çĕрте тÿлесшĕн мар - çакна республика прокуратури ирттернĕ тĕрĕслевсем çирĕплетеççĕ.

8 Jul, 2014

Тĕн училищи йыхравлать

Шупашкар епархийĕн, Чăваш митрополийĕн, Вырăс православи чиркĕвĕн /Мускав патриархачĕн/ Çветтуй Михаил архангел ячĕллĕ тĕн училищи Чăваш Ен тата Раççей гражданĕсене 2014-2015 вĕренÿ çулĕнче /малашлăхра дистанци мелĕпе пĕлÿ илес тĕллевпе/ православи тĕнĕн пастор вĕренĕвĕн куçăмлă уйрăмне тата куçăмсăр секторне йышăнать.

8 Jul, 2014

Турă пÿрнине упрамалла

«Ĕмĕр çав тери кĕске пулнине çын аллă урлă каçсан тин ăнланса илет çав. Çамрăкрах, вăй питти чухне кашни савăк самантпа, кашни кунпа киленсе юлма тăрăшмалла. Чунтан савнă, юратнă çынна - турă пÿрнине - упрамалла»,- чунне уçать Патăрьел районĕнчи Аслă Арапуç ялĕнче пурăнакан Нина Матвеева.

8 Jul, 2014

Хыпаланма кирлех-ши?

Вăхăт чупнине хÿме тытса чараймăн, малаллах ыткăнать вăл. Тин çеç кăçал ытти çултинчен раснарах - хĕвеллĕрех те ăшăрах - килнĕ çу уйăхĕ пуçланнăччĕ. Халĕ ав çумăрлăрах та сивĕрех çĕртме те хыçа юлчĕ. Этем те хăйĕн ĕмĕрĕнче ялан васкать. Хыпкаланать, вĕткеленет, пĕтĕрĕнет, çаврăнать.

8 Jul, 2014

Кашни çулах йĕркелеççĕ

Вăрнар районĕнчи Ярмушка ял тăрăхĕнче Ял уявĕ иртнĕ. Ăна çулсеренех сумлăн йĕркелеççĕ. Кăçал çĕнĕ сцена çине сĕтелсемпе саксем лартнă. Кушар Юнтапа культура çурчĕ умне тĕрлĕ тĕслĕ ялавсемпе, хăмпăсемпе илемлетнĕ. Хăнасем алă ĕçĕсен, сăн ÿкерчĕксен куравĕсемпе хаваспах паллашнă.