Республикăри пурăнмалли кивĕ çуртсенчен çĕнĕ хваттерсене 2013-2017 çулсенче 13,1 пин çынна /4,9 пин çемьене/ куçармалла. Паянхи кун тĕлне 6,5 пин çын çĕнĕ пÿрт ĕçки кĕрлеттернĕ ĕнтĕ. 2012 çулхи кăрлачăн 1-мĕшĕ тĕлне черете тăнă çемьесене 2017 çулхи авăн уйăхĕн 1-мĕшĕччен хваттерпе тивĕçтерме палăртнă.
Ĕнер республика Пуçлăхĕ Михаил Игнатьев Чулхулана çитсе килнĕ. Вăл Раççей Федерацийĕнче газомотор рынокне аталантарас ыйтупа Горькинчи автомобиль заводĕнче иртнĕ канашлăва хутшăннă.
Республика влаç органĕсен, федераци ведомствисен территорири органĕсен Правительство çуртĕнче кашни эрне пуçламăшĕнче иртекен канашлăвне Чăваш Республикин Министрсен Кабинечĕн Председателĕ Иван Моторин ертсе пычĕ.
Муниципалитет йĕркеленĕвĕсенче иртнĕ çулхи ĕç-хĕле пĕтĕмлетсе çĕнĕ тĕллевсем палăртасси малалла пырать. ЧР Министрсен Кабинечĕн Председателĕ Иван Моторин Комсомольски тăрăхĕнче пулса курчĕ.
"Тимĕр утпа" çÿреме кăмăллакансем Раççей кубокне çĕнсе илессишĕн вăй виçрĕç.
Чăвашстатăн тата «Хыпар» Издательство çурчĕн специалисчĕсенчен йĕркеленĕ комисси шкул ачисен Пĕтĕм Раççей ял хуçалăхĕн 2016 çулхи çыравне халалланă «Ялта йĕркеллĕ - çĕршывра тăнăçлă» республикăри конкурсне пĕтĕмлетнĕ. Пĕрремĕш вырăна Шупашкар районĕнчи Татьяна Санчук /Шăмăш шкулĕ/, иккĕмĕшне - Дарья Сетянова /Улатăр хули, 6-мĕш гимнази/, виççĕмĕшне Леонид Тимофеев /Сĕнтĕрвăрри хули, 1-мĕш гимнази/ йышăннă. Вĕсене Дипломпа чысланă, çитес çур çулта илсе тăмашкăн «Тантăш» хаçата тÿлевсĕр çырăнса панă.
Чăваш наци музейĕнче çак ятлă курав уçăлнă. 1500 ытла экспонат унта! Коллекцире - тĕнчен пур кĕтесĕнчен те пуçтарнă моллюсксен хуранĕсем.
Паян пĕтĕм çĕршывĕпе «Раççей йĕлтĕр йĕрĕ» ăмăрту иртрĕ. Чăваш Енре пурăнакансем те йĕлтĕр çине тăчĕç. ЧР Спорт министерствин пресс-служби пĕлтернĕ тăрăх - кăçалхи чупăва 26 районпа хулара 56 пин йĕлтĕрçĕ хутшăннă.
Тăватă кустăрмаллă тимĕр урхамахпа çÿреме кăмăллакансем Раççей кубокне çĕнсе илессишĕн вăй виçрĕç.
Чăвашла верси
Русская версия
