Паян пĕтĕм çĕршывĕпе «Раççей йĕлтĕр йĕрĕ» ăмăрту иртрĕ. Чăваш Енре пурăнакансем те йĕлтĕр çине тăчĕç. ЧР Спорт министерствин пресс-служби пĕлтернĕ тăрăх - кăçалхи чупăва 26 районпа хулара 56 пин йĕлтĕрçĕ хутшăннă.
Тăватă кустăрмаллă тимĕр урхамахпа çÿреме кăмăллакансем Раççей кубокне çĕнсе илессишĕн вăй виçрĕç.
Нарăс уйăхĕн 12-мĕшĕнче республика Пуçлăхĕ Михаил Игнатьев Çĕрпÿ районĕнчи ĕçченсен анлă канашлăвне хутшăнчĕ. Ларăва Михаил Васильевич уçса ертсе пычĕ.
Нарăс уйăхĕн 12-мĕшĕнче ЧР Правительство çуртĕнче пысăк çитĕнÿсем тăвакан маттур ĕçченсене - сĕт сăвакан операторсене, зоотехниксемпе ветеринарсене - патшалăх наградисемпе чысларĕç.
Сăмах укçа тавра пычĕ - çапла пĕтĕмлетнĕ пулăттăм эрне кун Правительство çуртĕнче банк тытăмĕн тата регионăн социаллă пурнăçпа экономика аталанăвĕн çивĕч ыйтăвĕсене халалласа ирттернĕ канашлăва. Бизнес-пĕрлĕх тата банксен представителĕсен хушшинче самай хивре калаçу пулчĕ.
ЧР ял хуçалăх министрĕ Сергей Артамонов Чăваш Республикин Патшалăх Канашĕн депутачĕпе Владимир Свешниковпа, юстици министрĕн заместителĕпе Ирина Семеновăпа Йĕпреç тăрăхне çитсе курчĕ. Вырăнти çăкăр завочĕн производствипе, районăн социаллă пурнăçĕпе экономика аталанăвĕн 2015 çулхи пĕтĕмлетĕвĕпе тата кăçалхи тĕллевĕсемпе паллашрĕ.
130 çул каялла Чăваш Енре Перекет банкĕн пĕрремĕш касси уçăлнине халалласа Шупашкарта командăпа вылякансен чемпионачĕ старт илчĕ.
Çак сăмахсем тăтăшах янăрарĕç нарăсăн 12-мĕшĕнче К.В.Иванов ячĕллĕ Чăваш патшалăх академи театрĕн сцени çинче. Муркашсем хăйсен районĕ йĕркеленнĕренпе 72 çул çитнине уявларĕç, Раççейри Кино тата Чăваш Енри Ĕç çыннин çулталăкĕсене савăнăçлă лару-тăрура уçрĕç.
ЧР Патшалăх Канашĕнчи коммунистсен фракцийĕн лидерĕ Дмитрий Евсеев КПРФ йышĕнчен тухать. Çакăн пирки вăл нарăс уйăхĕн 11-мĕшĕнче брифингра пĕлтерчĕ.
Паян Норвегири Лиллехаммер хулинче çамрăксен хĕллехи Олимп вăййисем пуçланнă. Спортсменсем тĕрлĕ ăмăртура наградăсен 70 комплекчĕшĕн тупăшĕç.
Чăвашла верси
Русская версия
