Archive - 2018 - Тантăш

март 22nd

22 Пуш, 2018

Çирĕп чунлисене халалласа

Пуш уйăхĕн 16-мĕшĕнче пушар хăрушсăрлăхĕн Пĕтĕм Раççейри конкурсĕн ачасемпе çамрăксен «Тĕнче — пирĕн алăра» наукăпа практика конференцийĕн республикăри тапхăрĕ иртрĕ. Районта çĕнтернĕ вĕренекенсем Чăваш наци музейне пухăнчĕç. Конкурса Ырă тăвакансен çулталăкне, Раççейри Чрезвычайлă лару-тăрусен министерствин Хăрушсăрлăх культурин çулталăкне, Совет пушар хуралĕ йĕркеленнĕренпе 100 çул çитнине халалланă.

22 Пуш, 2018

Маттурсем!

Пуш уйăхĕн 17-мĕшĕнче ЧПУн чăваш тата вырăс филологийĕпе журналистика факультетĕнче шкул ачисен хушшинче «Наукăна — пĕрремĕш утăм» литература олимпиадин куçăм тапхăрĕ иртнĕ.
Унта Шупашкарти, Куславккари, Муркаш тата Шупашкар районĕсенчи шкул ачисем хутшăннă. Çак тапхăра пĕлтĕрхи олимпиадăсенче тата кăçалхи кăрлачăн 15-мĕшĕнчен пуçласа нарăсăн 15-мĕшĕччен пынă куçăн мар тупăшура çĕнтернĕ ачасем хутшăнма тивĕçнĕ.
l степеньлĕ Диплома Шупашкарти 44-мĕш лицейра 7-мĕш класра вĕренекен Татьяна Яковлева тивĕçнĕ.

март 15th

15 Пуш, 2018

«Манăн çăкăр çиес килетчĕ»

Çеçпĕл Мишши ячĕллĕ Чăваш патшалăх Çамрăксен театрĕн сцени çинче тĕрлĕ спектакльти тĕрлĕ роле чунпа кĕрсе, парăнса куракана савăнтаракан Наталья Ахмед [Шамбулина] паян пирĕн рубрикăн хăни.

15 Пуш, 2018

Пуласлăх профессионалĕсем

Пуш уйăхĕн 7-9-мĕшĕсенче Мускавра Олег Дерипаска фончĕн пуçарăвĕпе «Пуласлăх профессионалĕсем» IV наци ăмăртăвĕ иртнĕ. 10-мĕшĕнче вара тупăшăва пĕтĕмлетсе Раççей Федерацийĕн пĕрлештернĕ командисене саламланă.

Чемпионатра професси тата шкул корпорацийĕсен ăмăртăвĕсем иртнĕ. Чăваш Ен чысне 59-мĕш, 61-мĕш шкулсен, Ача-пăча пултарулăх керменĕн вĕренекенĕсем хÿтĕленĕ.

15 Пуш, 2018

Çурхи çанталăк ултавлă

Хĕр ачасен кирек хăçан та илемлĕ курăнас килет. Анчах та чылайăшĕ хитре курăнас тенĕ вăхăтра сывлăх пирки манать, чир-чĕр çыпçăнсан кăна аса илет. Çуркунне çитрĕ те хăшĕ-пĕри ашшĕ-амăшĕ куриччен калпаксăр çÿреме хăтланать. Пирĕн вулакансем кун пирки мĕн шухăшлаççĕ-ши?

15 Пуш, 2018

«Тантăш» хаçат гимнне юрласа çĕнтернĕ

Нумаях пулмасть Шупашкарти «Салют» культура керменĕнче респу-блика шайĕнче «Радужная страна — 2018» конкурс-фестиваль иртнĕ. Ăна «Людмила Кинерĕн юррисем» продюсер центрĕ йĕркеленĕ. Конкурса 200 ытла ача хутшăннă.

15 Пуш, 2018

Ачасем чăваш чĕлхине пĕлни кирлĕ-и?

Ку ыйтăвăн хуравне тупас тесе обществăра час-часах тĕрлĕ калаçу пулса иртет. Хăшĕ-пĕри килĕшÿллĕ калаçнă хушăрах хĕрсе кайсах тавлашса та илет. Мĕншĕн çапла пулса тухать-ха? Мĕн хумхантарать çынсене?

<...> Хулара пурăнакан ашшĕ-амăшĕ тата ачисем ку ыйтăва çапла хуравлаççĕ: «Хальхи вăхăтра, интернет аталаннă чухне, чăваш чĕлхисĕрех пурăнма пулать. Чăваш чĕлхи Канаш хулине çитиччен кăна кирлĕ, Мускава çитсен чăваш чĕлхисĕрех пысăк укçа ĕçлесе илме май пур».

Pages