Нарăс уйăхĕн 14-мĕшĕ - Юратакансен кунĕ. Уява ытларах çамрăксем чăтăмсăррăн кĕтеççĕ. Юратакансем çак куна савнă çынпа ирттерме, пĕр-пĕрне парнепе савăнтарма тăрăшаççĕ. Америкăра Çветтуй Валентин уявĕнче 108 миллион кĕлчечек сутăнни, канфет 692 миллион долларлăх туянни паллă.
Нумаях пулмасть «Хыпар» Издательство çуртĕнче ЧР Министрсен Кабинечĕн Председателĕ Иван Моторин, ЧР информаци политикипе массăллă коммуникацисен министрĕ Александр Иванов пулчĕç. Хăнасемпе калем ăстисем «çавра сĕтелре» тĕрлĕ ыйтăва сÿтсе яврĕç.
Иртнĕ эрнере Пĕтĕм Раççейри «Молодая Гвардия Единой России» общество организацийĕн Чăваш Енри уйрăмĕн хастарĕсем тата республикăри студентсен пĕрлешĕвĕсен представителĕсем ЧР Пуçлăхĕн Михаил Игнатьевăн Патшалăх Канашне янă Çырăвĕнче хускатнă хăш-пĕр ыйтăва ЧР Наци библиотекинче иртнĕ тĕлпулура сÿтсе яврĕç. Мероприятие ЧР Патшалăх Канашĕн Социаллă политика тата наци ыйтăвĕсемпе ĕçлекен комитечĕн председателĕ Петр Краснов, ЧР вĕренÿ министрĕн заместителĕ Сергей Кудряшов хутшăнчĕç.
Иртнĕ кĕркунне ÿслĕк аптăратма тытăнчĕ. Больницăна çийĕнчех кайманнине кура вăл вăраха тăсăлчĕ. Айăпли - хамах. Эпĕ те, ытти чылай çын пекех, ураран ÿкмесĕр тухтăр патне каймастăп. Кунĕпех кăхм-кăхм тунине ĕçтешсем те итлесе ывăнчĕç. «Хаçат юбилейĕччен сывалса тухнă пултăр», - редактор çирĕп каласах тухтăр патне хăваласа ячĕ. Вăл шарламан тăк татах ÿсĕрсе çÿрĕттĕмччĕ-ха.
Онкологи диспансерне Инна капăр сараппан, çÿллĕ кĕлеллĕ пушмак тăхăнса, вăрăм хĕрлĕ çÿçне сапаласа пынă. Сăнĕ-пичĕ унăн йăл кулăпа çиçнĕ. «Эсир кама илсе килтĕр?» - ыйтнă Иннăран черет кĕтекен хĕрарăм. Йывăр диагноз пурнăç сĕткенне туртса илнине пула вăл халтан кайни палăрнă, унпа пĕрле упăшки, пĕртăванĕ ларнă.
«Çиларман» ушкăн юрăçисемпе Александр НИКИФОРОВПА тата Олег ВУНБЕРОВПА «Чуна уçса калаçар» рубрика тĕпелĕнче тĕл пуличчен маттур чăваш каччисен клипĕсемпе паллашас тесе Интернета ятарласа кĕтĕм. Ăнсăртран куç тĕлне тĕлĕнмелле сăвă йĕркисем лекрĕç. Чăтаймарăм, унпа интервьюра усă курас терĕм.
Вăрнар районĕнчи Мăн Явăш ялĕнче пурăнакан Александр Васильевпа Людмила Осиповăн кил хуçалăхĕ умĕнчен çÿрекенсем тĕлĕнмесĕр-савăнмасăр иртмеççĕ пулĕ. Хăшĕ-пĕри, тен, ăмсанса: «Турри панă пулсан эпир те çапла ăсталăттăмăр», - тесе иртет. Çемье пуçĕ тĕпренчĕкĕсем валли ятарлă лапам хатĕрленĕ.
Вĕсем йăхран йăха пыракан йăла-йĕркене çирĕп пăхăнаççĕ, ашшĕ-амăшне хисепленипе палăрса тăраççĕ. Çывăх çынсене сума суни - чи пысăк телей. Кавказ çĕрĕсенче пурăнакансем çакна ачаранпах пĕлсе ÿсеççĕ. Зияутдин Пирбудагов та мĕн пĕчĕкрен аслисене хисеплеме вĕреннĕ. Çапла ăс панă ăна ашшĕпе амăшĕ.
Манăн юратнă юрăç Петр Ермолаев клуб ертÿçинче тăрăшать тенине илтрĕм. Ку чăнах та çапла-ши? Пур çĕре те ĕлкĕрме вăхăтне ăçтан тупать-ши вăл?
Марина ДМИТРИЕВА.
Шупашкар районĕ.
Елчĕк районĕнче çуралса ÿснĕ, чăваш эстрада сцени çинче куракансене юрăсем шăрантарса савăнтаракан, хырăм тытсах култаракан Петр Ермолаев акă мĕнле хуравларĕ:
Ырă кун пултăр, хаклă редакци. Чăваш эстрада артисчĕсен концерчĕсене час-часах çÿренĕрен кашни юрăçа паллатăп. Мана Диана пултарулăхĕ ытларах кăмăла каять. Вăл мăшăрĕпе 2 ача çитĕнтерет тенине илтнĕччĕ. Сас-хурана ĕненмеллех-ши?
Галина ИВАНОВА.
Çĕрпÿ хули.
Чăвашла верси
Русская версия
