– Мăнкун умĕн пÿрт çăвассине кам шутласа кăларнă-ши? Халĕ тирпейлĕ пурăнатпăр та, кашни çулах тăвас килмест çакна.
Игнатий атте (СУРАНОВ) Муркаш районĕнчи Мăн Сĕнтĕр чиркĕвĕн настоятелĕ хуравлать:
Апрель уйăхĕ çитмен-ха, анчах Çĕнĕахпӳртсем /Патăрьел районĕ/ çĕр ĕçне паян-ыран пуçăнма хатĕррипе тăпăртатса тăраççĕ. Килти пахчасенче юр кайса пĕтнĕпе пĕрех. Уй-хир те вăрах кĕттермĕ. Севок сухан лартма вăхăт çитĕ. Ăна Çĕнĕ Ахпӳрт ялĕнче килсерен тенĕн ӳстереççĕ.
Наркотиксемпе кĕрешекен комиссин черетлĕ ларăвĕнче Чăваш Ен Пуçлăхĕ Михаил Игнатьев пирĕн республикăра юлашки çулсенче наркоманипе чирлисен шучĕ чакса пынине палăртнă. Ку енĕпе федерацин Атăлçи округĕнче те, пĕтĕмĕшле Раççейре те эпир лайăхрах кăтартусемпе палăрса тăратпăр. Наркотикпа çыхăннă преступленисене туллин уçса пама тăрăшни, сывă пурнăç йĕркине анлăн сарни, спорта аталантарни, ытти йышши профилактика тата сиплев майĕсем кирлĕ ĕçре пулăшаççĕ. Анчах çивĕч ыйту тата тăрăшуллăрах пулма хистет.
Ял çĕрĕ тăрантарнă
- Хаçатра çакна вуланăччĕ: колорадо нăррине пуçтармалла, вĕтетсе тÿмелле, комбикормпа хутăштарса цесаркăсене çитермелле. Çакăн хыççăн вĕсем хăйсемех усал нăрăсене çиме тухĕç имĕш. Çавăнпа усрама пуçларăм цесаркăсене. Хальлĕхе çак кайăксем нăрăсем патне туртăннине курмастăп, анчах чăх, хур-кăвакал чĕпписене хурчкасенчен сыхлама пулăшаççĕ. Хальччен лешсем кил картине вĕçсе анса пĕчĕкскерсене туххăмрах çаклатса каятчĕç. Цесаркăсем хăйсен сассипе хăратма тытăннăранпа чĕпсем çухалма пăрахрĕç, - ăнлантарать мана ăшпиллĕ хĕрарăм.
Çурхи уй-хир ĕçĕсене хатĕрленсе ирттерессипе çыхăннă семинар-канашлăва кăçал Вăрнар районĕнче йĕркеленĕ. Унта хутшăннисем малтанах Вăрнарти аш-какай комбиначĕн Малтикас Ялтăра ялĕнчи сĕт-çу фермипе паллашнă. Кунта 1100 ĕне тăрать. Республикăра кунашкал пысăк сĕт-çу ферми урăх çук.
Пĕр вăхăтра 40 ĕне сăвăнать. Вĕсене сăвакан операторсем çĕнĕ йышши техникăна алла илнĕ. Унсăрăн май та çук, мĕншĕн тесен ĕне сумалли пÿлĕмре автоматикăпа ĕçлекен хатĕрсем вырнаçтарнă, электрон программăсемпе усă кураççĕ.
Муркаш районĕнче хурт-хăмăр ăстисен семинар-канашлăвĕ иртрĕ. Унта 2014 çулхи кăтартусемпе паллашрĕç, кăçалхи плансене палăртрĕç. Канашлăва «Агентство по пчеловодству» пĕрлешĕвĕн тĕп директорĕ Геннадий Максимов, район администрацийĕн экономика пайĕн пуçлăхĕ Нина Костина хутшăнчĕç.
Геннадий Антонович пыл хурчĕсене мĕнле пăхмаллине, çуркунне уçă вырăна хăçан кăлармаллине тата ытти ĕç-хĕл пирки каларĕ.
Çак ĕçе çамрăксем явăçни те савăнтарать. Ватăсем вĕсене вĕрентсе пыраççĕ. Акă Николай Данилов 83 çулта, Семен Иванов вара - 85-ре. Вĕсем халĕ те пыл хурчĕ тытаççĕ.
Чăваш АССР халăх артисчĕ, РСФСР искусство тава тивĕçлĕ ĕçченĕ, К.Станиславский ячĕллĕ РСФСР Патшалăх премийĕн лауреачĕ Леонид Родионов çуралнăранпа 100 çул çитрĕ. Çавна май К.В. Иванов ячĕллĕ Чăваш патшалăх академи драма театрĕнче асăну кунĕ иртрĕ.
Республикăри МИХсен ĕçченĕсемпе Михаил Игнатьев пĕлтĕр çурла уйăхĕнче тĕл пулнăччĕ. Унтанпа мĕн кăна пулса иртмерĕ. Калем ăстисен, республика Пуçлăхĕпе тĕрлĕ мероприятире час-часах тĕл пулма тивсен те, ыйту нумай пухăнса кайнă.
Часах çурхи йывăç-курăкран эмел хатĕрлемелли вăхăт çитет. Хурăн кăчки организмшăн усăллине илтрĕм. Ăна хăçан пухмалла?
Вера Кузьмина.
Шăмăршă районĕ.
Хурăн кăчкине тулса çитсен, сухăрлансан пуçтармалла. Ăна маларах пухсан усăллă япаласем çителĕксĕр пулни палăрать. Çак ĕçе пурнăçлас тĕллевпе хурăна хуçма, амантма кирлĕ мар. Вăл хăрма пултарать. «Çинçе пилĕклĕ йывăçăн» кăчки çеç мар, çулçи те усăллă-çке.
Чăвашла верси
Русская версия
