Archive - 29 Авăн, 2016 - Хыпар

Шкул ятне çÿлте тытаканскер

Кашни медальте — савăнăç

Фотохудожник тĕнчене еплерех курать-ши?

21-мĕш ĕмĕр вĕрентекенĕ

Кашни йĕрки – ахах пĕрчи

Тилĕ юмах юптарать

Çиччĕмĕш класри Катя Андреева çитĕнĕвĕсем пирки тус-юлташĕ хăпартланса каласа парать.

— Лайăх вĕреннисĕр пуçне вăл хастар спортсменка та. Çăмăл атлетикăра ăна çитекен çук. Хытă чупать, тĕрлĕ ăмăртура çĕнтерет. Шкул ятне çÿлте тытать, — тет чи çывăх юлташĕ Клава Егорова.

Василий Ялуков пĕрремĕш класра ишме вĕреннĕ. «Паттăр» физкультурăпа спорт комплексĕ уçăлсан вăл унта ишев секцине çÿреме тытăннă. Владимир Арсентьевич Карягин тренер патĕнче ăсталăхне туптаканскер часах спортăн çак тĕсĕ хăйне валлиех пулнине ăнланса илнĕ. Вăл тÿрех спортăн икĕ тĕсĕпе ăмăртусене хутшăнма тытăннă. Анчах акватлона ытларах килĕштерет, мĕншĕн тесен унта чупасси те, ишесси те пур.

Çĕнтерÿ кахалланса ларакан патне килмест, ун патне хăвăн çул уçмалла. Вася, сăмахран, кашни ирех шкула кайиччен бассейна çитме вăхăт тупать.

Вĕрентекен кунне паян 120 çĕршывра анлăн паллă тăваççĕ. Саспаллипе паллаштарма, хушма-кăларма, хутлама-пайлама тата ытти нумай ĕçе хăнăхтаракан чи çывăх çыннăмăрсем професси уявĕнче кăна мар, кулленех ырă сăмаха çеç тивĕç. Вĕсене çывхаракан уяв ячĕпе чун-чĕререн саламлатпăр, ырлăх-сывлăх, телей, ĕçре çитĕнÿ сунатпăр.

«Поэзи çăлкуçĕ — илемре», — тенĕ Н.В. Гоголь. Чÿречерен йăпшăнакан хĕвел шевли, пахчари мăнкăмăллă та ĕлккен кĕлчечек, çуркуннепе чĕрĕлекен ешĕл курăкпа ачаш папка, çумăр хыççăн карăнакан асамат кĕперĕ, çилпеле вĕлтĕртетсе анакан сарă çулçă — çут çанталăкра йăлт илемпе, лăпкăлăхпа сывлать.

Чăваш халăх сăмахлăхĕнче тилĕ çинчен хайланă чылай юмах-халап, каларăшпа тупмалли юмах упранать. Çак чĕрчун чееленме, ют пурлăха хапсăнма юратнине шахвăртса: «Тилĕ куçĕ тĕлĕкре те чăх курать. Хĕрлĕ хĕрлемес хир чăххине хĕрхенмест», — тенĕ ваттисем.