Archive - Пуш 2016 - Хыпар

Йĕпреç районĕнчи Хумри Ишек ялĕнче пурăнакан Ирина Григорьевăпа Света Ильина — уйрăлми туссем. Хурамал шкулне вĕренме çÿрекенскерсем ытти ачашăн тĕслĕх вырăнĕнче.

Канаш районĕнчи Чакаç шкулĕн тăххăрмĕш класĕнче вĕренекен Юля Павлова «Çĕр сум пуличчен, çĕр тус пултăр» каларăша кăмăллать. Ара, унăн та чылай юлташ-çке. Ялта, шкулта кăна мар, ытти район тата республика тулашĕнчи ачасемпе те туслă çыхăнура вăл.

Пиллĕкмĕш класра вĕреннĕ чухне сăвă çырас туйăм вăраннă Ирина Петровăра. Поэтсен ĕçĕ-хĕлĕпе тĕплĕн паллашнă май, Галина Леонидовна Енейкина педагог ертсе пыракан «Çамрăк çăлтăрсем» литература кружокне те хаваспах çырăннă.

Çулсеренех эпир шкула çÿретпĕр. Çапла кулленех пире мĕн чухлĕ «вирус» хупăрланине тĕшмĕртейместпĕр те. Эпир вара шкулта мĕнле вируссем çÿренине тата вĕсемпе мĕнле кĕрешмеллине тупса палăртас терĕмĕр. Халĕ вĕсенчен чи анлă сарăлнисене пăхса тухăпăр. Ку пур шкулпа та çыхăннă.

1. Тупăшу вирусĕ

— Эпир нумай хаçат-журнал çырăнатпăр, вĕсен шутĕнче «Тантăш», «Самантпа» «Тетте» те пур. Ачасем библиотекăна час-часах çÿреççĕ, вулама юратаççĕ, — паллаштарчĕ шкулти лару-тăрупа директорăн вĕренÿ тата воспитани енĕпе ĕçлекен заместителĕ Ольга Николаевна Евдокимова.

 

Çĕнĕ Шупашкар хула больницин 1-мĕш поликлиникинче С.Антонова 20 çул ĕçлет. Вăл — кăнтăрлахи стационарăн аслă медсестри. Светлана Вениаминовна Элĕк районĕнчи Çулавăçра çуралса ÿснĕ, Шупашкарти медицина училищинчен вĕренсе тухнă, Шупашкарти васкавлă медицина пулăшăвĕн больницинче фельдшерта ĕçленĕ. Çемье çавăрсан Çĕнĕ Шупашкара куçнă. Çултан-çул пĕлĕвне ÿстерсе пынă, сиплевре пысăк опыт пухнă. Ĕçри хастарлăхшăн, пуçаруллă пулнăшăн, хăйĕн тивĕçне чăн-чăн яваплăхпа пурнăçланăшăн ăна ЧР Сывлăх сыхлавĕн Тав çырăвĕпе, чылай Хисеп хучĕпе чысланă. «Пирĕн стационара тĕрлĕ чиртен сипленме килеççĕ. Пациентсем врачсемпе медсестрасен ĕçĕпе питĕ кăмăллă пулнине пĕлтереççĕ. «Эсир пире эмелпе кăна мар, ырă сăмахпа, чун ăшшипе сиплетĕр. Тавах», — тесе хавхалантараççĕ. Вĕсен чĕререн каланă сăмахĕсем пирĕншĕн уйрăмах хаклă», — палăртать Светлана Антонова.

Роза ВЛАСОВА сăнÿкерчĕкĕ.