Archive - 22 Юпа, 2014 - Хыпар

- Чунпа та, юнпа та - чăваш эпĕ. Иртнĕ ĕмĕрĕн аллăмĕш çулĕсенче пирĕн çемье Нева çинчи хулана куçса кайнă. Ун чухне эпĕ алăри ача пулнă, - çак сăмахсенчен пуçласа ячĕ калаçăвне Игорь Степанович Нефедов микробиолог. - Юлашки хут тăван тăрăхра 10 çул каялла пулнăччĕ. Мĕн чухлĕ улшăну пулса иртнĕ унтанпа кунта?

Игорь Степанович Ленинградри Тинĕс-çар медицина академийĕнчен хĕрлĕ дипломпа вĕренсе тухсан Инçет Хĕвел тухăçне çул тытнă. Ăна тÿрех Лăпкă океан флочĕн эпидемиологĕн пуканне шанса панă. Каярахпа микробиологи институчĕ йĕркеленсен ентеше унта ĕçлеме чĕнсе илнĕ.

Калмăк Республикин театрĕ пĕрремĕш хут Чăваш Ене гастроле килнĕ.  Çеçпĕл Мишши ячĕллĕ Чăваш патшалăх çамрăксен театрĕ юпан 7-11-мĕшĕсенче Калмăк Республикинче гастрольте пулчĕ. Чăваш артисчĕсем Элистари Б.Басангов ячĕллĕ Наци драма театрĕн сцени çинче вун пилĕк спектакль кăтартрĕç.

Нумаях пулмасть Шупашкара Санкт-Петербургра пурăнакан паллă культуролог Алексей Иванов-Эхвет килсе кайрĕ. Вăл чăваш искусствин тымарĕсене питĕ тарăннăн тĕпченĕ, «По следам находок» /1977/, «Музы ищут приют» /1987/ кĕнекесем пичетлесе кăларнă.

Иртнĕ ĕмĕрĕн 90-мĕш çулĕсенче лăпкă шутланакан Чăваш Енре те саккас парса çынна вĕлерттерни пулкаланăччĕ-ха. Юлашки çулсенче унашкаллине ас тумастпăр. Саккас параканни хĕрарăм, преступлени объекчĕ вара унăн упăшки - кун пекки пушшех пулман. Иртнĕ хĕлле пулнă. Чăн та, хĕрарăмăн тĕллевĕ тÿрре тухман.

Çĕнĕ Шупашкар хулин сучĕ çак кунсенче приговор палăртнă. 35 çулти хĕрарăма тара тытса çын вĕлерессине йĕркеленĕшĕн айăпланă. Ăна 5 çул çурăлăха ирĕклĕхсĕр хăварса пĕтĕмĕшле режимлă колоние ăсатма йышăннă.

«Чăваш Республикин Президенчĕн библиотеки» ярăм çĕнĕ кăларăмпа пуянланчĕ.

Тĕнчипе палăрнă ентешĕмĕр, Чăваш халăх поэчĕ Геннадий Айхи çуралнăранпа кăçалхи çурла уйăхĕн 21-мĕшĕнче 80 çул çитрĕ.