Туслăх кĕперĕ

Дагестан каччи Висраил Хаманаев 19 çулта кăна. Унăн пултарулăхĕпе ăсталăхне нумай çул опыт пухса туптанă çыннăннипе танлаштарма пулать. Ташлама юратаканскере Кавказ тăрăхĕнчи ташăсем хавхалану кÿреççĕ. Пĕлтĕр вăл Шупашкарти «Салют» культура керменĕ çумĕнче «Ту ачисем» ансамбль йĕркеленĕ.

Çапла калаççĕ Чăваш Енре тĕпленсе пурăнакан туркменсем

Тĕрлĕ халăхăн ырă йăлисене пĕлни никама та пăсмасть, вĕсен лайăх енĕсене ăса хывни чуна пуянлатать. Пĕр-пĕринчен тĕслĕх илсен эпир ăшă кăмăллăрах пулăпăр. Ку хутĕнче вулакансене туркменсемпе, вĕсен культурипе тата йăли-йĕркипе паллаштарăпăр.

Вĕсен çĕрĕ ака уйăхĕнче тĕрлĕ тĕслĕ тюльпан кавирĕпе витĕнет

Чăваш Республикинче 128 халăх çынни пурăнать. Вĕсенчен пĕрисем — пысăк йышпа /вырăссем — 323 пин çын, тутарсем — 34 пин ытла, мордва — 13 пин çын тата ытти те/ пурăнаççĕ. Теприсем вара — шутлă кăна. Çак йышра — калмăксем. 2010 çулхи çырав тăрăх вĕсем республикăра пурĕ те 11-ĕн çеç.

Казаксем паттăр салтаксем пулнипе тата хăйсен хăюллă юррисемпе уйрăлса тăраççĕ. Мĕн авалтанпах казак арçыннисем патша çарĕнче службăра тăнă, вĕсен арăмĕсем кил ăшшине упраса пурăннă. Михаил Шолоховăн «Лăпкă Дон» хайлавĕнче сăнланнă геройсем йышши çынсем хамăр хушăра та сахал мар.

Кашни вырсарникун — чиркĕве

Чăвашсем çĕр-çĕр çул çармăссемпе юнашар пурăнаççĕ. «Атăл урлă каç та — эсĕ Мари Элта. Тăван тăрăха çур сехетрех çитетĕн», — теççĕ марисем. Пирĕн республикăра, 2010 çулхи çырав тăрăх, 3 пин те 672 çармăса шута илнĕ. Вĕсен пысăкрах йышĕ Çĕнĕ Шупашкарпа Чăваш Республикин тĕп хулинче тĕпленнĕ.

Pages

Subscribe to Туслăх кĕперĕ