Archive - 22 Юпа, 2014

221 ял-поселока электричествăпа тивĕçтернĕ

"Çут çанталăк условийĕсене пула тухнă синкер сиенне пĕтерме хутшăнакан пĕтĕм çынна чĕререн тав тăватăп. Вĕсем хăйсен тивĕçĕсене таса чунпа тата талăкĕпех пурнăçлаççĕ, специалистсем хăйсен ĕçне лайăх пĕлеççĕ. Пирĕн тĕллев - вĕсене май килнĕ таран пулăшасси," - терĕ Чăваш Ен Пуçлăхĕ Михаил Игнатьев ĕнер Правительство çуртĕнче видеоконференци мелĕпе йĕркеленĕ канашлăва уçнă май. Унта влаç органĕсемпе муниципалитет йĕркеленĕвĕсен ертÿçисем хутшăнчĕç.

Чи кирли - халăх инкеке ăнланса йышăнни, ăна пĕтерме тăрăшни.          Çут çанталăкăн синкерĕ республикăри 12 муниципалитет йĕркеленĕвĕн территорийĕнче пулнă, анчах ытларах сиен кураканни Муркаш районĕ тесен те йăнăш мар ахăртне.

Красноармески районĕнчи Упи ялĕнче Раççей Империйĕн Патшалăх Думин 1-мĕш суйлавĕн депутатне Яков Абрамова халалласа палăк уçнă.

Савăнăçлă уява ЧР Патшалăх Канашĕн депутачĕсем, Красноармейски район администрацийĕн пуçлăхĕ Александр Шестаков, палăк авторĕ Петр Пупин тата ыттисем хутшăннă. Чăвашран тухнă пĕрремĕш депутатăн пурнăçĕ çинчен унăн кĕçĕн мăнукĕн ачи, Упи шкулĕнче 11-мĕш класра вĕренекен Анна Васильева каласа панă.

Шупашкарти 14-мĕш кадет шкулĕн вĕренекенĕсем РФ Патшалăх Думине çитсе курнă. Вĕсене унта Хисеплĕ кадет Алена Аршинова депутат йыхравланă.

ЧР Наци библиотекинче Финанс пĕлĕвĕн шкулĕ ĕçлеме пуçланă. Ятарлă проекта право информацийĕн центрĕ пуçарнă.

Пирĕн корреспондентсем ĕнер министерствăсемпе, ведомствăсемпе çыхăнса республика çут çанталăк инкекĕн сиенлĕ кăтартăвĕсемпе мĕнлерех кĕрешнин пĕтĕмĕшле ÿкерчĕкне сăнларĕç.

ВĔРЕНТŸ ТЫТĂМĔНЧЕ

"Ертÿçĕн кашни ĕçе лайăх пĕлмелле, унсăрăн малалла каяймăн", - тет Елчĕк районĕнчи "Победа" ООО директорĕ Николай Головин, ЧР ял хуçалăхăн тава тивĕçлĕ ĕçченĕ.

ЧР аграрийĕсем юпа уйăхĕн 31-мĕшĕнче Чăваш патшалăх оперăпа балет театрĕнче Ял хуçалăх тата тирпейлекен промышленноç ĕçченĕн кунне паллă тăваççĕ. Савăнăçлă пухăва Етĕрнесем те хутшăнаççĕ. Вĕсем уява мĕнле кăтартусемпе кĕтсе илеççĕ-ха?