Archive - 17 Oct, 2014

Семья Александровых из Новочебоксарска воспитывает 10 детей.

Воспитанники детского дома г.Чебоксары победили в региональном этапе игры "Ума палата".

Певица Полина Борисова, "По жизни иду с улыбкой".

Хĕлле - урапа, çулла çуна хатĕрле теççĕ те халăхра, çуна пур пĕрех хатĕр мар тăк мĕн тумалла-ха. Паллах, питĕлемелле. Питĕсĕр çурт нумай çухатать - ăшă, укçа, хăтлăх, сывлăх. Эппин, кирлĕ ĕç хатĕрĕсене алла тытар-ха.

Пахчари 5 çимĕçе калама ыйтсан вĕсен йышĕнче купăста пулатех. Вăл этем рационĕнчи чи кирлĕ çимĕçсенчен пĕри. Археологсем çирĕплетнĕ тăрăх купăстана чул, пăхăр ĕмĕрĕсенчех пĕлнĕ.

Кил-çурт ача сассипе илемлĕ. Шăпăрлансем выляни, кулни, савăнса алхасни... Çакăнран хаклăраххи мĕн пултăр? Удмурт Республикинчи Сарапул хулинче йышлă çемьере çуралса ÿснĕ Любовь Александрова хĕр чухне амăшне çапла каланă: «Манăн та 10 ача пулĕ».

Çĕнĕ Шупашкарти Александровсен çемйинче 10 ача кун çути курнă.

Шупашкарти ача çурчĕн воспитанникĕсем "Ума палата" вăййăн регионти тапхăрĕнче çĕнтернĕ.

Полина Борисова юрăç: "Пурнăç çулĕпе ахăлтатса кулса утатăп".

Чăваш наци телекуравĕ çынсем патне çитни - пысăк çитĕнÿ. Халăх ăна тахçантанпах кĕтнĕ. Пĕрремĕш тÿрĕ эфир, пĕрремĕш кăларăм... Ĕнер çеç пулнă тейĕн. Вăхăт хăйĕн еккипех шăвать. Акă Наци телекуравĕ те юпа уйăхĕн 10-мĕшĕнче 3 çул тултарчĕ. Ку тапхăр - нумай та, сахал та мар.

Нумаях пулмасть Раççейри темиçе регионта çĕнĕ йышши наркотикпа наркăмăшланнă тĕслĕхсене тупса палăртнă. Ăна пула çут тĕнчепе сыв пуллашнисем те пур. Шел, çак амак пирĕн республикăран та пăрăнман. Кĕске хушăрах 156 çын регионти сывлăх сыхлав учрежденийĕсене паллă мар наркотикпа наркăмăшланнăран пынă. Вĕсенчен 25-шĕн диагнозне çирĕплетнĕ. Çивĕч çак ыйту тавра кулленех калаçатпăр пулин те лару-тăру улшăнни курăнмасть. Наркотикпа ашкăнакансен йышĕ пĕрмай ÿсет. Ытларах чухне унăн серепине çул çитмен ачасем тата аслă шкулсенче вĕренекенсем çакланаççĕ.

Шăпаран тараймăн... Çак сăмах çаврăнăшĕ кашнин чĕлхи çинчех пур. Елчĕк тăрăхĕн тулăхлă çĕрĕ çинче, ĕлĕкрен упранакан йăла-йĕркене хисеплекен чăн чăвашсен хушшинче, Патреккел ялĕнчи паллă юрăç тата композитор Геннадий Борисов çемйинче çуралнă Полина Борисовăна та шăпа юрăç пулма суйласа илнĕ. Пĕрре паллашсан Полинăна манма питĕ йывăр. Йăрăс пÿллĕскер, чакăр хăмăр куçлăскер, илемлĕ саслăскер пурнăçа питĕ юратать, нихăçан та алă усса лармасть, мĕн пур йывăрлăха ахăлтатса кулса çĕнтерет.

Pages