Кĕрхи кун кĕске. Кăнтăр вăхăчĕ иртрĕ кăна – тавралăх тĕттĕмленме тытăнчĕ. Уй-хире юр йăлтах хуплайман-ха. Шурă кĕрĕк çинчи саплăк пек унта-кунта хура çĕр курăнать.

Хресчен сасси

Ял хуçалăхĕ

ĕççи

17 Чÿк, 2016

Чÿк уйăхĕн 12-мĕшĕнче Ярославльте Чăваш Ен Пуçлăхĕ Михаил Игнатьев РФ Патшалăх канашĕн президиумĕн тата Патшалăх канашĕн çумĕнчи субъектсен инвестици илĕртÿлĕхне ÿстермелли мерăсем енĕпе ĕçлекен консультаци комиссийĕн Раççей Президенчĕ Владимир Путин ертсе пынипе иртнĕ пĕрлехи ларăвне хутшăннă.

РФ Президенчĕ Патшалăх канашĕн консультаци комиссийĕн йышĕнче инвестицисемпе лайăх ĕçлекен регионсен пуçлăхĕсем пулнине, вĕсен опычĕ ытти субъектшăн усăллине палăртнă.

Хресчен сасси

Экономика

Лару

17 Чÿк, 2016

Ĕçне кура пурлăхĕ

Хĕрлĕ кирпĕчрен купаланă икĕ хутлă çурта йĕри-тавра техника хупласа илнĕ. Мĕн кăна çук-тăр: трактор, косилка, груз турттармалли машина... Пахчара хĕрсех ĕçлекен кил хуçине асăрхасан унран вĕсен шутне ыйтрăм.

Хресчен сасси

Ял хуçалăхĕ

Маттур!

17 Чÿк, 2016

Алли ылтăн, чунĕ хастар

"Аист йăвине хулăран çатан пек тăвăпăр", – тет Канаш районĕнчи Çĕнĕ Аччари Егор Егоров. "Çук, – хирĕçлет ăна Александр Гаврилов ентешĕ. – Хыр çапăсенчен ăсталăпăр, йĕри-тавра пĕчĕк пăтапа çапса çирĕплетĕпĕр. Çатан пек йĕркелесен кайăкĕ курăнмасть". Ĕç тума саккас панă юлташне вăл ĕнентерчĕ, лешĕ текех чĕнмерĕ. Ара, ăста сăмахĕнчен мĕнле иртĕн? Ашшĕпе шăллĕ мĕн ĕмĕр тăршшĕпе платникре çÿренĕрен Егор Васильевич хăй те алла пăчкă-пуртă тытса курман мар, анчах кил хуçалăхне Саша /ялта ытларахăшĕ Александр Гаврилова çапла чĕнет\ йывăçран ăсталанă япаласемпе илемлетме кăмăллать. Хальхинче те юлташне çĕнĕ ĕç хушнă: аистпа чĕпписене йывăçран касса кăлармалла.

Хресчен сасси

Ял хуçалăхĕ

Ăста

17 Чÿк, 2016