Archive - 6 Юпа, 2016

Елчĕк районĕнче çуралса ӳснĕ Николай Сергеевич Карлин хăй вăхăтĕнче тăван колхозра та, шкулта та, Етĕрне тата Красноармейски районĕсенчи культура çурчĕсенче те, Шупашкарти предприятисемпе 4-мĕш профтехучилищĕре те ĕçленĕ. Вăл - тĕрлĕ енлĕ аталаннă, пултаруллă çын. Николай Сергеевич шкулта ачасене вĕрентнисĕр пуçне сăвă-юрă çырать, калавсем, балладăсем, легендăсем хайлать. Темиçе кĕнеке пичетлесе кăларма мехел çитерчĕ. Унăн çепĕç те, чуна пырса тивекен юррисене Раççейĕн тĕрлĕ кĕтесĕнче пурăнакан йăхташсем, халăх хорĕсем, Атăл тăрăхĕнчи професионал ушкăнсем шăрантараççĕ.

Пысăк ĕмĕтлĕ Юля

Сăнӳкерчĕкре — ĕнерхи, хальхи, пуласлăх

«Çепĕç çулла, ылтăн кĕркунне... Асрах эсир»

«Кукамайăм, кукамай» мăнукĕсене кĕтет

Илеме хаклакансем валли – çĕнĕ альбом

Скульптурăсен хули

Хурăнсем çинчи пионер галстукĕсем

Вăрмар районĕнчи Аслă Чак шкулĕнче вĕренекенсенчен кашни питех те вулама юратать. Библиотекăна хавас кăмăлпа çӳренисĕр пуçне хаçат-журнал çырăнса илеççĕ. Тата кăмăла çĕклекенни — хăйсемех «Шкул карапĕ» хаçат кăларни.

Данил Тимофеев тухтăр пулма ĕмĕтленет. Мĕншĕн тетĕр-и? Тухтăр пӳлĕмĕ умĕнче черетре тăрса ывăннă вăл! Шурă халат тăхăнсанах пурне те черетсĕрех йышăнĕччĕ те… Кам пĕлет, тен, çавнашкал вăхăтсем те çитĕç?

— Тĕрĕссипе вара, çынсен пурнăçĕсене çăлас килет манăн, — терĕ арçын ача кăштах шухăшланă хыççăн.

Юля Ахметова пушă вăхăтра тĕрлĕ пусмаран çемçе тетте ăсталама юратать.

Сăн ӳкерме юратакан çамрăксемпе фотопĕрлешӳ ертӳçисен республикăри тухса çӳрекен шкул фотоискусствăпа кăсăкланакансене виççĕмĕш хут пухрĕ. Кăçал пултарулăх лаççи Муркаш районĕнчи Ильинка шкулĕнче ĕçлерĕ.

Хаваслă вăхăт, çуллахи каникул вĕçленнĕренпе пĕр уйăх иртрĕ пулин те, чылайăшĕшĕн çав асамлă самантсем халĕ те куç умĕнчех-ха. Акă паян тăхтавра пĕр ушкăн шкул умĕнчи йывăçсем патне уçăлма тухрĕ. Сăмах-юмахĕ вара çав-çавах каникул пирки пулчĕ.

Ачасем çитĕннисенчен мĕнпе уйрăлса тăраççĕ-ха? Вĕсем нихăçан та кичемленсе, алă усса лармаççĕ. Ялан мĕнпе те пулин тăрмашаççĕ, выляççĕ. Пĕччен чухне те тунсăхлама вăхăт çук шăпăрлансен. Пĕр-пĕр интереслĕ ĕç шухăшласа кăлараççех.

Мĕнле вăрттăнлăхсем упраççĕ-ха художниксен картинисем? Мĕнле тарăн пĕлтерĕш пытарăннă вĕсенче? Тепĕр чухне çак ыйтусене ӳнерçĕ хăй те хуравлаймасть. Унăн пултарулăхĕн хăйнеевĕрлĕхĕпе нумайенлĕхĕ вара куракансемпе специалистсене илĕртет, искусствăра пурнăç тупсăмне шырама хистет.