Ĕнер, юпа уйăхĕн 28-мĕшĕнче, Правительство çуртĕнче ЧР Министрсен Кабинечĕн ларăвĕ пулчĕ. Унта тĕрлĕ саккун проектне пăхса тухрĕç. Ку лару ыттисенчен уйрăлса тăчĕ. Нумаях пулмасть йĕркеленнĕ Çамрăксен правительствин членĕсем хутшăнчĕç унта. Лару вĕçленсен ЧР Пуçлăхĕ Михаил Игнатьев çамрăк "министрсемпе" "çавра сĕтел" ирттерчĕ.
Ялта тытăнса тăма чылайăшне ĕç çукки чăрмав кÿрет. Вăл пулсан та шалăвĕ тивĕçтермест. Çавăнпах çемье пуçĕсем нухрат тумашкăн аякри хуласене çул тытаççĕ. Чăннипе, хăшĕ-пĕри тăван тăрăхран инçе каймасăрах нухрат туса илме майсем тупать.
Шупашкар районĕнчи Шăнкас ялĕнче кун çути курнă Марина ТИМУКОВА ташăç - хăйне евĕр чăваш пики.
Тăхăр вунă çулран каçнисене, çак ÿсĕмрен кăшт кĕçĕнреххисене пурне те тискер пĕр пулăм çыхăнтарнине пĕлетпĕр: вăрçă. Тăшман Тăван çĕршыва выçă кашкăрла тапăнса кĕнĕ çулхине Нина Сидорова вун иккĕре пулнă. Вăрçă пуçланни çинчен ăна, унран икĕ çул аслăрах аппăшне тата вĕсен виçĕ шăллĕне ашшĕ-амăшĕ пĕлтернĕ. Ачасем пĕчĕк пулин те фашист камне лайăх ăнланнă. Усал хыпара кил хуçипе мăшăрĕ 1941 çулхи çĕртме уйăхĕн 22-мĕшĕнче Комсомольскине ярмăрккăна кайсан илтсе килнĕ.
Çĕрпÿ районĕнчи Вăрман Кăршкана нумаях пулмасть кайса курнăччĕ. Унта хĕлĕн-çăвĕн пурăнакан пĕр çемье хăйне евĕр пулнине вырăнти халăх систерчĕ-ха. Вĕсен калаçăвĕнче «сектантсем» сăмаха илтсен те хăрамасăрах çула тухрăмăр ун чухне. Ахалех шикленнĕ мар-и - нимĕн хăрамалли те çук кунашкал çынсенчен.
о Иçĕм - калипе магни çăлкуçĕ.
Çанталăк сивĕтсе пынă май шăннипе пулнă чирсен шучĕ те ÿсет. Çавăнпа иммунитета вăйлатмалли ĕçсене паян тытăнмалла. Хĕлле, эпидемисен вăхăтĕнче, кая юлатпăр. Республикăри медицина профилактикин, сиплев физкультурин тата спорт медицинин центрĕн врачне Л.В.АГЕЕВĂНА ку тĕлĕшпе мĕн-мĕн тумалли çинчен тĕплĕнрех каласа пама ыйтрăмăр.
- Лариса Валерьевна, иммунитет пире мĕнрен хÿтĕлет?
Тулă çăнăхĕпе усă курса ÿте чылай лайăхлатма пулать. Ăна хушса хатĕрлемелли маскăсен рецепчĕсемпе паллаштаратпăр.
Пĕркеленчĕкрен
Каçхине 4 апат кашăкĕ тулă çăнăхне, 1 апат кашăкĕ пыла, кăпăшлантарнă 1 çăмарта шуррине пĕрле ярса лайăх пăтратмалла. Хутăша таса ÿте тата мăя сĕрмелле. 15 минутран вĕренĕ ăшă шывпа çуса тасатмалла. Маскăна эрнере 1-2 хутчен хумалла. Курс - 1,5-2 уйăх.
Ывăннă ÿте
Чăвашла верси
Русская версия
