Archive - 27 Кăрлач, 2015

Тĕнчипе паллă çыравçă, обществăпа политика деятелĕ, публицист Александр Солженицын çинчен илтмен çын çук. Раççейри вĕренÿпе наука министерстви унăн ячĕпе çуллен çĕршыври аслă шкулсенче вĕренекенсене - 10 студента - çулталăк илсе тăмалли стипенди çирĕплетнĕ.

Çĕршывра вăтам професси пĕлĕвĕ паракан шкулсене аталантарасси - çивĕч ыйту. Рабочи специальноçĕсене вĕренекен сахалланчĕ те - малашлăхра заводсенче кам ĕçлесси шухăшлаттарма пуçларĕ патшалăх ертÿлĕхне. Чăн та, хăш-пĕр çамрăк ППЭрен хăраса шкулти тăххăрмĕш класс хыççăн колледж-техникума çул тытма пуçларĕ-ха ĕнтĕ. Вăрнарти ялхуçалăх техникумĕ, шел те, вĕренме кĕрес текенсемпе йышланса ĕлкĕреймерĕ курăнать: çулталăк каялла ăна кунти 29-мĕш училищĕпе пĕрлештерчĕç.

Патăрьел районĕнчи Шăнкăртамра çуралса ÿснĕ 77 çулти Р.М.Бикчуринăн ĕç кĕнекинче вăл хăй пурнăçĕнче пĕртен-пĕр профессипе кăна вăй хунине палăртнă: Канашри педагогика училищин /1987 çултанпа - колледж/ преподавателĕ. Кунта Равиль Мингалиевич Хусанти педагогика институчĕн физвоспитани факультетне хĕрлĕ дипломпа пĕтернĕ хыççăн 1960 çулхи августра килнĕ. Çавăнтанпа хăй суйласа илнĕ вĕренÿ заведенийĕнчен нихăçан та уйрăлман.

Кăçалхи вĕренÿ çулĕнче вăтам шкултан вĕренсе тухакансемшĕн сахал мар улшăну пуласси çинчен вулаканăмăрсене пĕлтернĕччĕ. Анчах "Хыпар" хаçата 2015 çулăн пĕрремĕш çурçулĕ валли çырăнса илнисен йышĕнче çĕнĕ çынсем те пур. Эппин, кăçалхи выпускниксене экзаменсенче мĕн çĕнни кĕтни çинчен тепĕр хут аса илсен те пăсăк мар. Малалла вулас...

"Студентсен десанчĕ" - полици çакăн пек ятпа йĕркеленĕ акци вăхăтĕнче пĕтĕм Раççейĕпе пин-пин студент Шалти ĕçсен министерствин ĕçĕ-хĕлĕпе паллашрĕ. Чăваш Енре те аслă вĕренÿ заведенийĕсенче пĕлÿ пухакан яшсемпе хĕрсен пысăк йышĕ ЧР ШĔМĕн тĕрлĕ подразделенийĕнче пулса курчĕ.

XIX ĕмĕр вĕçĕнче хальхи Комсомольски районĕн хутлăхĕнче 18 шкул шутланнă. Аслă Каçалти, Шурутри, Аслă Чурачăкри - чи малтан туса лартнисем. Тутар Шурутра, Тукай Мишерĕнче, Урмаелĕнче, Чĕчкенте 1860-1870 çулсенчех мечĕтсем çумĕнче мехшебсем уçăлнă, малайсене /хĕрачасем унта çÿремен/ мулласем вĕрентнĕ.

Уйрăм çын çуртĕнче вĕреннĕ

Кăçалхи мартра сатирăпа кулăш журналĕ «Капкăн» 90 çул тултарать. Çапла, сумлă пулăм. Вăрăм ĕмĕрĕнче тĕрлĕ тапхăра тÿссе ирттернĕ вăл. Тиражĕ çĕр пинрен иртни те пулнă, халăх питĕ кăмăллакан кăларăм тухма чарăннă самантсем те асра.

Вăрнар районĕнчи Кайри Тукайра пурăнатăп. Пушă вăхăтра уй-хирте уçăлса çÿреме юрататăп. Ял çумĕпе авкаланса Санар шывĕ юхса иртет. Икĕ çыранĕ тăршшĕпех - йăмра, хăва. Ĕлĕк Кайри Тукая хирĕç тепĕр ял пулнă теççĕ. Темшĕн пĕтнĕ. Çынсем урăх вырăна пурăнма куçнă.

Роспотребнадзор управленийĕнчен пĕлтернĕ тăрăх - трематодăна /шĕвĕрĕлчен/ пула этем организмĕнче вăй илекен описторхозпа республикăра 2011 çулта - 60, 2012 ç. - 45, пĕлтĕрхи 8 уйăхра 31 çын чирленĕ. Унăн тăршшĕ 8-13 мм. Этем тата чĕрчун варĕнче ĕрчет. Унта ăçтан лекет-ха? Малалла вулас...

ЧР Чĕрчун тĕнчин объекчĕсемпе вăл пурăнакан вырăна хÿтĕлекен, тĕрĕслекен тата йĕркелесе тăракан патшалăх служби 2014 çулхи ĕç-хĕле Çĕнĕ çул умĕн пĕтĕмлетрĕ. Коллеги ларăвĕ çутçанталăк тусĕсемпе кайăкçăсене кăсăклантарма пултарать. Унти информаципе паллаштарас килет.