Archive - Авăн 2014

Чăваш Республикинче мухтавлă ентешĕмĕрсене сума суса вун-вун мероприяти ирттересси йăлана кĕнĕ.

Акă легендарлă начдив Василий Чапаев вилнĕренпе 95 çул çитнине асăнса Шупашкарти унăн музейĕнче кинолектори занятийĕ йĕркеленĕ. Унта хулари 56-мĕш шкулта вĕренекен ачасем хутшăннă. Чи малтан вĕренекенсем экспозицисемпе паллашнă, унтан «Чапаев» фильм пăхнă. Çав кунах музее ветеран-чапаевецсем пухăннă.

Чăваш патшалăх пукане театрĕ В.Синкевичăн «Гадкий утенок» спектаклĕпе 70-мĕш сезона уçрĕ.

Республикăн ĕçе вырнаçтаракан службин органĕсем паракан патшалăх пулăшăвĕсенчен пĕри - 14-18 çулсенчи çул çитмен çамрăксен вĕренÿрен пушă вăхăтри вăхăтлăх ĕçне йĕркелесси. Ĕçе хăнăхса çамрăксен пулас профессине лайăх ăнкарса суйласа илме май пур, çакă малашне ĕçчен, социаллă пурнăçра яваплă ăру çитĕнтерме пулăшĕ.

Çеçпĕл Мишши ячĕллĕ Çамрăксен театрĕ ача-пăча наци драматургийĕн лаборатори-форумне ирттерме йышăннă. Мероприяти театр искусствин тухăçлă проекчĕ шутланать, Раççей Федерацийĕн Культура министерствин грантне çĕнсе илнĕ.

Тĕп хулари ачасемпе çамрăксен библиотекин ĕçченĕсем 40-мĕш шкулта вĕренекенсене Пĕрремĕш тĕнче вăрçи пуçланнăранпа 100 çул çитнине халалланă медиа çул çÿреве чĕнчĕç.

Шăмăршă районĕнчи хирсенче кĕрхи ĕçсем вĕçленсе пыраççĕ. Çĕр ĕçченĕ тыр-пула кĕске вăхăтра тата çухатусăр пухса илме тăрăшать. Культура ĕçченĕсем хресчен кăмăлне юрă-ташăпа çĕклесе çăмăл мар ĕçре пулăшаççĕ.

Шăмăршă районĕнчи хирсенче кĕрхи ĕçсем вĕçленсе пыраççĕ. Çĕр ĕçченĕ тыр-пула кĕске вăхăтра тата çухатусăр пухса илме тăрăшать. Культура ĕçченĕсем хресчен кăмăлне юрă-ташăпа çĕклесе çăмăл мар ĕçре пулăшаççĕ.

Мăн асаттесем пире тĕлĕнмелле пысăк пуянлăх парса хăварнă. Чăваш халăхĕ паян кунчен упраса хăварма пултарнă чи хаклă тупра вăл - чĕлхе, юрăсем, йăла-йĕрке, ал ĕç ăсталăхĕ.

Тăван çĕр-шывăн Аслă вăрçине хутшăннă ветерансем, Элĕк районĕнчи Ехремкассинчи Александр Орлов, Елисей Аверкиев, Федор Никитин, Яков Платонов çуралнăранпа кăçал 100 çул çитрĕ. Çак пулăма тата Аслă Çĕнтерÿ пулнăранпа 70 çул çитнине халалласа ялта Асăну вахти иртрĕ.

Чăваш патшалăх гуманитари ăслăлăхĕсен институчĕн тата Чăваш кĕнеке издательствин пĕрлехи тухăçлă ĕçĕн çимĕçĕ - "Чăваш халăх пултарулăхĕ" ярăмăн вун иккĕмĕш кăларăмĕн пĕрремĕш кĕнеки - кун çути курчĕ.