Archive - Утă 2014

Следстви комитечĕн Çĕнĕ Шупашкарти пайĕ ФСИНăн республикăри управленийĕн 3-мĕш колонийĕн ристанĕ Роман Сидоров тĕлĕшпе пуçарнă уголовлă ĕçе тĕпчесе пĕтернĕ. Ăна колонирен тарнăшăн тата влаç представителĕ тĕлĕшпе вăйпа усă курнăшăн айăплаççĕ.

Çак пăтăрмах кăçалхи çу уйăхĕнче пысăк шăв-шав çĕкленĕччĕ. 2010 çулта çын вĕлернĕшĕн тата ют пурлăха вăрланшăн судпа айăпланса 16 çуллăха çирĕп режимлă колоние хупнăскер, 29 çулти Р.Сидоров юсанмалли учрежденирен тарнă. Мĕнле майпа - халĕ хуравĕ уçăмлă ĕнтĕ.

Кăçал çуркунне Чăваш кĕнеке издательствинче "Вăхăта парăнман юрату" кĕнеке кун çути курчĕ. Авторĕ – Геннадий Максимов. Паллă публицист тата телешоуçă тăван литературăра та авторитетлă сăмахне каларĕ: "Сталин грамоти", "Çĕрĕллĕ хура кушак", "Танец в ночи" кĕнекесене вулакансем ăшшăн йышăнчĕç.

Çуллана вĕçен кайăксенчен те хытăрах кĕтекенсем – археологсем. Утă-çурла уйăхĕсенче вĕсем çĕр çывăрмасăр çĕр чаваççĕ. Специалист историксемпе пĕрлех студентсем те тăрăшаççĕ.

Чăвашăн чĕлхипе культури питĕ хăй евĕрлĕ. Çавăнпа чăвашлăх Раççейри тĕпчевçĕсене çеç мар, чикĕ леш енчи ăсчахсене те хытă кăсăклантарать. Чăвашăн ăс-хакăл мулĕпе интересленекенсем Америкăра та, Швецире те, Германипе Болгарире те сахал мар. Польшăра та пур.

Тунти кун Чăваш Ен Пуçлăхĕ Михаил Игнатьев ĕç тăвакан влаç органĕсен, федерацин территори органĕсен тата хула округĕсен ертÿçисемпе канашлу ирттернĕ.

Малтанах республика Пуçлăхĕ РФ Президенчĕн кăçалхи утă уйăхĕн 22-мĕшĕнчи хушăвĕсемпе паллаштарнă - вĕсене çĕр-шыв ертÿçи РФ Президенчĕ çумĕнчи нацисен хутшăнăвĕсем енĕпе ĕçлекен канаш ларăвĕн пĕтĕмлетĕвĕсене тĕпе хурса панă. Михаил Игнатьев çавăн пекех хăй Владимир Путин Президентпа тĕл пулни çинчен каласа панă.

ЧР Чĕр чун тĕнчин объекчĕсене, вăл пурăнакан вырăна сыхлас, тĕрĕслес, чĕрлĕхпе усă курассине йĕркелес тĕлĕшпе ĕçлекен патшалăх службин Вăрнар районĕнчи инспекторĕ Юрий Григорьев Кульцав ял тăрăхĕнчи сăвăрсем патне çитсе курма сĕнчĕ. Вĕсене чĕррĕн курманскер хаваспах килĕшрĕм.