Публицист шухăшĕ

31 Çу, 2016

Хаваслă çу кунĕсенче инкек ан хурлантартăр

Çу уйăхĕн вĕçĕнче шкул ÿсĕмĕнчи ача пÿрне хутлатса тата миçе кун вĕренмеллине шутлани — чылай çемьешĕн хăнăхнă ÿкерчĕк. Ара, чи вăрăм каникула кĕтмесĕр! Вĕренÿ çулĕн вĕçĕнче, çанталăк урамалла кăчăк туртнă вăхăтра кĕнеке-тетрадь тытса пуç çĕклемесĕр ларма тивет-çке. Чĕрĕк вĕçĕнчи тĕрĕслев ĕçĕсем, тепĕр класа куçма ирĕк паракан аттестаци, тăваттăмĕш классен — Пĕтĕм Раççей тĕрĕслев ĕçĕсем... Кун пек чухне лăштах сывласа ярасса ачапа пĕрле ашшĕ-амăшĕ те тем пек кĕтет. Çу пуçлансанах лăпкă та ирĕклĕ тапхăр çитет тейĕн.

Хыпар
Вĕрентÿ
Публицист шухăшĕ
10 Пуш, 2016

Хула яла парăнтарасшăн

- Эпир çитĕннĕ чух ялта халăх хĕвĕшетчĕ кăна. Тракторĕ-грузовикĕ унталла-кунталла куматчĕ. Урамра-çырмара ача сасси татăлман: хĕлле йĕлтĕрпе-конькипе ярăнаттăмăр, çулла шывран тухма пĕлмен. Халь яла каятăп та - шăпах. Урампа ăнсăртран пĕрре çын утса иртет. Колхоз та леш тĕнчене ăсаннă - пирĕн ялти пĕрлехи хуçалăх пĕтнĕ иккен... Шкула та хупма пултараççĕ тесе калаçкалаççĕ. Пирĕн пысăк мар касра кăна, ятарласа шутларăм, икĕ теçеткене яхăн кил хупăннă. Ачасем те çук - тулта вылямаççĕ, ăшă пÿртсенче телевизор-компьютер умĕнче лараççĕ пулинех...

Хыпар
Ял хуçалăхĕ
Публицист шухăшĕ
1 Пуш, 2016

Çÿпçе тулли пултăр тесен...

Чăваш патшалăх культурăпа искусствăсен институтне йĕркеленĕренпе 15 çул çитрĕ. Юбилей тееймĕн, çапах малтанхи тапхăра хак памалли меллĕ самант çакă.

Çĕнĕ ĕмĕр пуçламăшĕнче - 2000 çулта - ĕçлеме пуçларĕ вăл. ЧР Министрсен Кабинечĕн йышăнăвĕпе ун валли ятарлă çурт тунă, унтах - вĕренÿ корпусĕ, вулав залĕпе библиотека, компьютер класĕ, фонотека, 500 вырăнлă вĕренÿ театрĕ тата хăтлă общежити.

Хыпар
Культура
Публицист шухăшĕ
25 Нарăс, 2016

Пурнăç çĕрулмирен хаклăрах

Кăçалхи кăрлач уйăхĕнче çур çĕр иртни икĕ сехетре Шупашкарти Мир проспектĕнчи пĕр çуртăн çÿлти хутĕнче пушар тухнă - пусма лаптăкĕнче вырнаçнă йывăç ещĕк çунма тытăннă. Юрать, вут-çулăма вăхăтра асăрханă, çăлавçăсене чĕнсе илнĕ. Брандмейстерсем "хĕрлĕ автана" 15 минутранах сÿнтернĕ. Асăннă çуртра пурăнакансене çĕр варринче, çитменнине хĕлле, урама илсе тухма тивмен. Ку тĕслĕхре шар курнисем çук, тăкакĕ те пысăках мар, анчах çакнашкал кашни пăтăрмах йĕркеллех вĕçленет тесе никам та шантарса калаймасть.

Хыпар
Хула
Публицист шухăшĕ
12 Нарăс, 2016

Вăхăтлăх кампани кăна пулчĕ

Çынсем алкогольпе наркăмăшланнине пула пурнăçран уйрăлнă тĕслĕхсем сиксе тухни общественноçа иртнĕ çул вĕçĕнче самаях калаçтарчĕ. Пирĕн хутлăхри виçĕ çамрăкăн вилĕмĕ те Интернет урлă туяннă суррогатлă хаяр шĕвек ĕçнипе çыхăннă. Çавна май йĕркелĕх сыхлавĕнче тăракансем «шуйттан сĕтне» пули-пулми вырăнта е алăран туянмалла маррине аса илтереççĕ: хаклă йышши бренд тесе сĕнекенскер контрафакт таварĕ маррине малтан никамах та уçăмлатаймĕ, кайран вара: «Чавса çывăх та çыртма çук», - тенĕ пек пулса ан тухтăр.

Хыпар
Сывлăх
Публицист шухăшĕ

Pages