Сывлăх

15 Çу, 2014

ЧĂРĂШ ТĂРРИ - ПĔВЕР, ЧАГА - ПӲРЕ ВАЛЛИ

Сиплĕ ӳсен-тăран витĕмĕпе тĕрлĕ чире çăмăллатма пулать. Хăвăра кирлĕ рецептсене суйласа илме пултаратăр.

Пӳре ансан

Чага кăмпан 1 чей кашăкĕ порошокне тин вĕренĕ çур литр шыва ямалла, савăта ăшă чĕркесе пĕр талăк лартмалла. Сăрăхтармалла, тĕпĕнчине пăчăртаса юхтармалла, çур чей кашăкĕ сахăр хушмалла. Пӳре тĕлĕнче туртса ыратсан кунне 3 хут çуршар стакан ĕçмелле. Сиплев курсĕ - сывлăх лайăхланичченех.

Асăрханăр! Ача кĕтекен хĕрарăмсене юрамасть.

Сывлăх

Ӳсен-тăран

15 Çу, 2014

СĔТЛĔ - ĔНЕ МАР, ВĔÇЕТ - КАЙĂК МАР

Сиплĕ япаласемпе пуян хăлха çакки курăкĕпе медицинăра кăна мар, косметологире те анлă усă кураççĕ. Унăн сĕткенĕпе мĕн авалран чĕкеç шатрипе пигмент пăнчинчен сипленнĕ. Францире çамрăк çулçин сĕткенĕпе пит тĕсне лайăхлатма усă кураççĕ.

Тымарĕн çăвĕ пиçсе кайсан пулăшать. Сĕтне шĕпĕнпе мозоле сĕреççĕ. Тымарне çăнăх пуличчен вĕтетсе 1:2 шайлашупа пылпа хутăштараççĕ, çак маçпа экземăран сипленеççĕ.

Чĕкеç шатрипе пигмент пăнчинчен

Сывлăх

Паха чечек

8 Çу, 2014

Пыл, шăлан, йĕтĕн ...

Хырăмлăх тата вун ик пумăклă пыршă язвипе аптракансене тухтăр çырса панă эмелсĕр пуçне халăх медицини те пулăшма пултарать. Çав тери лайăх рецептсем пур.

Хресчен сасси

Сывлăх

Сиппе кайтăр

8 Çу, 2014

Уртăш усси

Сыпăсем, пилĕк, çурăм шăмми ыратать-и е ват хăмпинчи чул канăç памасть? Апла уртăш йывăçĕ (можжевельник) пулăшма пултарĕ.

8 Çу, 2014

ÇУ УЙĂХĔНЧЕ ПУХМАЛЛА

Çу уйăхĕнче хырăн тĕрлĕ пайне сиплевре усă курма пухса хатĕрлеççĕ. Çав шутра - хырăн çамрăк хунавĕсем, ама йĕкелĕ /2,5-7,5 сантиметр тăршшĕ, конус евĕрлĕ, пĕччен е иккĕн-виççĕн çитĕнеççĕ, хĕрлĕрен пуçласа сăрă-симĕсрех тĕслĕ/ тата аçа йĕкелĕн стробилăн /сарăрах е кĕренрех, куккурус пучахĕ пекрех/ тусанĕ.