Пуш уйăхĕн 12-мĕшĕнче ЧР Пуçлăхĕн тивĕçĕсене вăхăтлăх пурнăçлакан Олег Николаев «Патшалăх управленийĕн тытăмĕн ĕçне çамрăксене явăçтарассипе çыхăннă хушма мерăсем» Указ алă пуснă.
Çуркунне хăçан вăй илет? И.Н.Ульянов ячĕллĕ Чăваш патшалăх университечĕн студенчĕсемшĕн вăл паян пуçланчĕ. Аслă шкулăн Культура керменĕнче «Студентсен çуркунни» фестиваль пуçланчĕ.
Паян Правительство çуртĕнче Чăваш Енре коронавирус инфекцийĕ сарăлассипе кĕрешес енĕпе ĕçлекен оперативлă штабăн ларăвĕ иртрĕ. Ăна ЧР Пуçлăхĕн тивĕçĕсене пурнăçлакан Олег Николаев ертсе пычĕ.
«Раççей чукун çулĕсем» акционерсен уçă пĕрлешĕвĕнче коронавирус инфекцине асăрхаттаракан тата ăна аталанасран чаракан штаб йĕркеленнĕ. Кун пирки компани правленийĕн председателĕ-генеральнăй директорĕ Олег Белозеров пуш уйăхĕн 12-мĕшĕнче иртнĕ сетьри селектор канашлăвĕнче пĕлтернĕ.
Патшалăх Канашĕн черетлĕ 38-мĕш сессийĕ паян малалла ĕçлерĕ. Унăн иккĕмĕш тапхăрĕн кун йĕркинче Раççей Конституцине тÿрлетÿсем кĕртессипе тата республика бюджетне улшăнусем кĕртессипе çыхăннă ыйтусем тĕп вырăнта пулчĕç.
Сесси Чăваш Ен парламенчĕн çĕнĕ депутатне мандат паничен пуçланчĕ. Вăл — Владимир Офаринов, «Тĕрĕс Раççей» фракци депутачĕ Игорь Моляков Думăна куçнă май Патшалăх Канашĕнче пушаннă вырăна йышăнчĕ.
Пуш уйăхĕн 12-мĕшĕнче Чăваш Республикин Патшалăх Канашĕн 38-мĕш сессийĕн 2-мĕш тапхăрĕн ĕçĕ вăхăтĕнче Чăваш Республикин Пуçлăхĕн тивĕçĕсене вăхăтлăх пурнăçлакан Олег Николаев Конституцие улшăнусем кĕртесси çинчен калакан саккун майлă пулнă.
РФ Президенчĕ Федераци Пухăвне янă Çырăвĕнче сĕннине тĕпе хурса кăçалтан федерацин амăшĕн /çемье/ капиталĕн программине улшăнусем кĕртеççĕ.
РФ Пенси фончӗн Чӑваш Енри уйрӑмӗн управляющийӗ Роза Кондратьева журналистсене амӑшӗн капиталӗн программине кӑҫал кӗртнӗ улшӑнусемпе паллаштарчĕ.
Валентина БАГАДЕРОВА ÿкернĕ сăн ÿкерчĕксемпе видеосем.
Республикăн çут çанталăк газĕшĕн, электричество энергийĕшĕн тÿлемелли парăмĕсем пысăклансах пыраççĕ. Çивĕчлĕхе сирмелли мерăсене юнкун Правительствăн топливăпа энерги ресурсĕсемшĕн тÿлес ыйтусемпе ĕçлекен комиссийĕн ЧР Пуçлăхĕн тивĕçĕсене вăхăтлăх пурнăçлакан Олег Николаев ертсе пынипе иртнĕ ларăвĕнче тишкерчĕç.
Правительство паянхи ларура хуçасăр чĕр чунсемпе ĕçлемелли, вĕсем валли приютсем уçмалли йĕркесене çирĕплетрĕ.
Республикăн патшалăх ветеринари службин ертÿçин тивĕçĕсене пурнăçлакан Константин Викторов палăртнă тăрăх, хуçасăр чĕр чунсене приютсене вырнаçтарас, сиплес, стерилизацилес, маркăлас тĕлĕшпе уçăмлăх пулĕ. Тата — стерилизациленĕ хыççăн вĕсене тытнă вырăна каялла илсе килсе ярас тĕлĕшпе — кун пек йĕрке унччен пулман.
Чăвашла верси
Русская версия
