Новости по теме
Вăхăта усăсăр ирттермеççĕ
Сĕнтĕрвăрри районĕнчи Карапаш ялĕнчи ачасем каникула усăллă ирттереççĕ. Пушă вăхăтра вĕсем эмел курăкĕ пухаççĕ. Хаклă чĕр тавара Октябрьски райповĕн Карапашри лавккине леçеççĕ.
Пысăк пулăшу кÿнĕ
Çĕнĕ Шупашкарти çурт-йĕр тăвакан «Суор» комбинат /директорĕ Владимир Ермолаев/ çак кунсенче Пĕтĕм Раççейри Куç курманнисен обществин Куславкка районĕнчи организацине /Куславкка тата Вăрмар районĕсене пĕрлештерет/ 103 пин те 400 тенкĕлĕх пулăшу кÿнĕ. Вырăн таврашĕ, тÿшек-çытар çиттисем кÿрсе килнĕ.
Уй-хир пушанать
Республикăра кĕрхи тырăсене вырса пĕтернипе пĕрех, хăш-пĕр хуçалăх вырма техникине çурхисен уйсене куçарнă. Эрне пуçламăшĕ тĕлне пĕрчĕллĕ тата пăрçа йышши культурăсем гектартан вăтамран 20,4 центнер тухнă (пĕлтĕрхи çак тапхăрти кăтарту – 19,2 центнер).
Тухăç кăтартăвĕпе иртнĕ эрнери пекех Çĕрпÿсем, Вăрнарсем, Красноармейскисем, Шупашкарсем, Муркашсем малта пыраççĕ.
Уйсенче пуç пулса тăнă тулă тухăçĕ Красноармейски (гектартан вăтамран 27,5 центнер), Вăрнар (26,5 ц), Çĕрпÿ (25,9 ц) районĕсенче уйрăмах пысăк.
Яланах асăрханмалла
Уя тухсан мĕн сас лайăх? Машин-трактор сасси лайăх, тесе юрлатчĕç пулас пĕр юрăра. Техника кĕрлет, апла хуçалăхра ĕç пырать. Куншăн савăнмалла. Механизатор ăна йĕркене пăхăнса ĕçлеттернине нимĕн те çитмест.
Сĕт хакĕ ĕнене "тăрантмалла"
Шупашкар районĕнчи Пархикасси ялĕнче пурăнакансем сĕте хăйсенчен хаклăрах хакпа пуçтарма тытăннăшăн савăнаççĕ. Иртнĕ эрнере пĕр литрне 12 тенкĕпе йышăнма пуçланă. "Кĕркунне çитсе пынăран хак ÿсет-ши е çакă республикăн ял хуçалăх министрĕ Сергей Павлов яла пынипе çыхăннă-ши?" – пуç ватаççĕ иккĕленÿллĕ шухăшпа пурăнма хăнăхнă çынсем.
Хамăрăн - пахарах: тутлăрах та, йÿнĕрех те
Украинăран килнисене хăтлăхпа, ĕçпе тивĕçтермелле
Çурла уйăхĕн 11-мĕшĕнче Чăваш Республикин Пуçлăхĕ Михаил Игнатьев ĕç тăвакан влаç органĕсен, федераци ведомствисен территори органĕсен тата хула округĕсен ертÿçисемпе канашлу ирттернĕ. Видеоçыхăну мелĕпе йĕркеленĕ канашлăва хула-район администрацийĕсен пуçлăхĕсем те хутшăннă.
"Хыпар", ытлари кун, 2014, çурла, 12
• "Хамăрăн - пахарах: тутлăрах та, йÿнĕрех те". Чăваш Рсепубликин Пуçлăхĕ Михаил Игнатьев эрне кун Вăрнар тăрăхĕнче пулчĕ. Малтанах вăл "Вăрнарти аш-какай комбиначĕ" АУОн Малтикасра вырнаçнă выльăх-чĕрлĕх комплексĕпе паллашрĕ. 1 стр.
• Кун хыççăн кун. "Хресчен çурчĕ" çĕнелĕ. 100-мĕш çуралнă кун. 1 стр.
«Экватор» - хыçра
Культура çулталăкĕн çурри питĕ хăвăрт иртсе кайрĕ. Вăл паллă пулăмсемпе асра юлчĕ. Хăшĕсем-ха вĕсем? Культура çулталăкне савăнăçлă лару-тăрура уçни, Раççей халăх артистки Надежда Бабкина ертсе пыракан «Раççей юрри» фестиваль-марафон, Шупашкарти Пĕтĕм тĕнчери кинофестиваль, халăх пултарулăхĕн Пĕтĕм Раççейри «Раççей çăл куçĕсем» фестиваль тата ытти те.