Новости по теме

21 Кăрлач, 2022

Журналистсене чысларĕç

Паян "Хыпар" хаçат пичетленме пуçланăранпа 116 çул çитрĕ. Шăпах çак кун Правительство çуртĕнче массăллă информаци хатĕрĕсенче ĕçлекенсене Раççей тата Чăваш пичет кунĕсем ячĕпе саламларĕç.

19 Кăрлач, 2022

Каяша ял-хуларан турттарасси халĕ те калаçтарать

Паян ЧР Пуçлăхĕ Олег Николаев ертсе пынипе Правительство çуртĕнче республикăн коммуналлă хытă каяш çаврăнăшĕн тытăмне аталантармалли концепцине сӳтсе яврĕç.

18 Кăрлач, 2022

Пĕлтĕрхи ĕçе пĕтĕмлетрĕç

Паян республикăри граждан оборони, синкерсене асăрхаттарас тата сирсе ярас, пушар тата шыв объекчĕсенче хăрушсăрлăхпа тивĕçтерес енĕпе ĕçлекен тытăмăн кăçалхи ĕç-хĕлне пĕтĕмлетрĕç. Пухăннисем 2022 çулхи тĕллевсене те палăртрĕç.

17 Кăрлач, 2022

QR-кодпа улталасшăн

SMS-çырупа килнĕ вăрттăн сăмаха никама та пĕлтермелле мар.

Патшалăх пулăшăвĕсен порталĕ ун пек информацие нихăçан та ыйтмĕ. Ку — интернетри сăтăрçăсем халăха улталама шухăшласа кăларнă çĕнĕ мел. Аккаунта хӳтĕлес тесен мĕн тумалла? Порталта сĕннĕ тăрăх, хушма хӳтĕлев мелĕсемпе те усă курмалла. Сăмахран, аккаунта кĕме тĕп ыйту хатĕрлемелле тата SMS-па çеç кĕме май пултăр.

17 Кăрлач, 2022

Пулăсене мĕн пулнă?

Çак ыйту Шупашкар заливĕнче пулса курнисене самаях канăçсăрлантарнă. Унта пулăсем йышлăн вилнĕ.

Ку лару-тăрăва тĕпчеме ЧР Çут çанталăк ресурсĕсемпе экологи министерстви тĕрĕслев ирттернĕ. Шывра кислород шайĕ питĕ пĕчĕк иккен. Специалистсем асăрханă тăрăх, шыв сахал килет.

17 Кăрлач, 2022

Информатика пĕлĕвне тĕрĕслерĕç

Республикăри 100-е яхăн вĕренекен Пултаруллă ачасемпе çамрăксен «Эткер» центрĕнче иртнĕ информатика олимпиадине хутшăннă.

Ăс-хакăл тĕрĕслевĕ кăрлачăн 15-17-мĕшĕсенче иртнĕ. Шкул ачисен Пĕтĕм Раççейри олимпиадин регионти тапхăрĕнче 9-11-мĕш классенче вĕренекенсем ăмăртнă. Унччен вĕсем район шайĕнче тивĕçлĕ балл пухса мала тухнă. Ыйтусене предметпа методика комиссийĕ хатĕрленĕ. Регион тапхăрĕнче РФ Çут ĕç министерстви çирĕплетнĕ чухлĕ балл пухнисем ака уйăхĕнче çĕршыв шайĕнчи олимпиадăна хутшăнĕç.

17 Кăрлач, 2022

Техникăна пула – пушар

Иртнĕ канмалли кунсенче республикăра техника юсавсăрлăхне пула икĕ пушар тухнă.

Инкек Канаш хулинчи Карл Маркс урамĕнче тата Шупашкарти Октябре 40 çул урамĕнче пулнă. Тĕтĕм кăлармалли пăрăхăн юсавсăрлăхне пула çурта вут тивнĕ.

Сăмах май, çулталăк пуçланнăранпа Чăваш Енре 52 пушар тухнă, вĕсенче 4 çыннăн пурнăçĕ татăлнă, 3 çын сусăрланнă. Вут-çулăм 532 пин тенкĕлĕх тăкак кӳнĕ.

www.hypar.ru

Pages