ОРВИ, грипп, коронавирус тĕлĕшпе пулма пултаракан эпидеми тапхăрне хатĕрленесси ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлăвăн кун йĕркинчи тĕп ыйту пулчĕ.
Çеçпĕл Мишши ячĕллĕ Чăваш патшалăх çамрăксен театрĕ юпа уйăхĕн 3-7- мĕшĕсенче Учительсен эрнине ирттерет.
Чăваш Ен вĕренекенĕсем Халăхсен хушшинчи «Парăнманнисем» проекта хутшăнакансен йышне кĕнĕ.
Вырăнти хăй тытăмлăх органĕсен 2022 çулхи ĕçĕн чи лайăх кăтартăвĕсемшĕн паракан гранта ку хутĕнче Шупашкар хулин тата Çĕрпӳ, Красноармейски муниципалитет округĕсен администрацийĕсем илĕç. Çакăн çинчен Министрсен Кабинечĕн юнкунхи ларăвĕнче экономика аталанăвĕн министрĕ Дмитрий Краснов пĕлтерчĕ.
Мероприятие Пӗтӗм тӗнчери туризм кунне халалланă. Пухӑннисем туризм аталанӑвне, кадр ыйтӑвӗсене сӳтсе яваҫҫӗ.
Наци проекчĕсене пурнăçланă чухнехи саккунлăх ыйтăвĕсене ытларикун ЧР Пуçлăхĕ çумĕнчи право йĕркине тивĕçтерес енĕпе ĕçлекен канашлу ларăвĕнче сӳтсе яврĕç.
Тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура вĕрентӳ министрĕ «Профессионалитет» программăпа бюджет вырăнĕсене 3,4 пине яхăн çамрăка вĕренме йышăнни çинчен пĕлтерчĕ. Шăпах — тĕрлĕ сферăра кирлĕ специальноçсемпе. Çак тĕллевпе модăри хăш-пĕр специальноçа коммерци никĕсĕ çине куçарма тивнĕ, тĕрлĕ отрасль ыйтаканнисене симĕс çутă панă. Михаил Ноздряков çак ыйтупа малалла ĕçлемеллине палăртрĕ — ĕç рынокĕнче мĕнле специалистсем ытларах кирлине тимлĕ сăнаса тăма сĕнчĕ.
Тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура пăхса тухнă темăсенчен пĕри — Улатăр, Çĕмĕрле, Куславкка хулисенчи ăшăпа тивĕçтерекен хуçалăха çурт-йĕре хутса ăшăтмалли тапхăра хатĕрлесси. Строительство министрĕ Михаил Коледа асăннă виçĕ хулари ăшă сечĕсене çĕнетме, юсама пысăк укçа — 3,3 миллиард тенкĕ — уйăрнине аса илтерчĕ. Çавна май ĕçсен калăпăшĕ те питĕ пысăк.
Республика кăçал тĕш тырăпа пăрçа йышши культурăсене 957 пин тонна пухса кĕртнĕ. Кашни гектар тухăçĕ вăтамран 33,2 центнерпа танлашнă. Çак тата ытти кăтартăва тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура ял хуçалăх министрĕн тивĕçĕсене пурнăçлакан Инна Волкова пĕлтерчĕ.
«Аслисем — ачасем валли» акцие хутшăннă май Тăвай округĕнче 150 пин тенкĕлĕх чупмалли ятарлă йĕлтĕрсем туяннă.
Вĕсене «Аль» спорт шкулне панă. Сăмах май, кунта вĕренекенсем йĕлтĕрпе чупас енĕпе лайăх кăтартусемпе палăраççĕ. Çакнашкал пулăшу спортсменсене çĕнĕ çитĕнÿсем патне ăнтăлмашкăн хавхалантарĕ.
Чăвашла верси
Русская версия
