Новости по теме

Тăвай районĕнчи «Упа кĕтесĕ» кану базинче «Ялта чи лайăххисем» агроволонтерсен слечĕ савăнăçлă лару-тăрура уçăлчĕ. Кунта тĕрлĕ районти çамрăк ял хуçалăх тата культура ĕçченĕсем, тухтăрсем, педагогсем пуçтарăннă.

Шупашкарта тата районсемпе ялсенче пурăнакансен чи юратнă уявĕсенчен пĕри — Республика кунĕ. Çулленех ун программи мĕнпе те пулин çĕннипе пуянланать. Кăçалхи хăш енĕпе уйрăмах асра юлĕ-ши?

Паян Правительство çуртĕнче шăпах çак ыйтупа — Республика кунне хатĕрленсе ирттерсе ярассипе — ĕçлекен йĕркелӳ комитечĕн ларăвĕ иртрĕ. Ăна ЧР Пуçлăхĕ Олег Николаев ертсе пычĕ.

Сунара çÿрекенсене хир сыснисене персе вĕлерме чарнă. Вĕсен шучĕ кĕске вăхăтрах 10 хут чакнă, çавăнпа та малашне çак чĕр чуна тĕкĕнме юрамĕ.

Хир сыснисем çине сунара тухма пĕлтĕр çулла ирĕк панăччĕ. Çурла уйăхĕн 13-мĕшĕнче Муркаш районĕнче африка чумипе аптраса вилнĕ хир сыснине тупсан, çывăхри ял хуçалăх предприятийĕсенчи сыснасене тĕп тума йышăннă. Вăрмансенче ĕрчекен хир сыснисен шутне те чакарма, сунарçăсене çак енĕпе ĕçлеме хушнă. Çак ĕç-пуçа ятарласа усал чире сарăлма парас мар тесе туса ирттернĕ.

Шупашкарти Ленин районĕн сучĕ 4 хĕрарăма притон йĕркеленĕшĕн айăпланă. Хайхискерсем СПА-отель уçнă, анчах та унта хĕрарăмсене кĕртмен иккен, арçынсене «йăпантарнă».