Новости по теме

2 Çĕртме, 2022

«Шкул музейĕн хуралĕ» конкурсра - пĕрремĕш

Чĕмпĕр хулинче халăх культурин Пĕтĕм Раççейри «Чĕрĕ еткерлĕх» ача-пăча фестивалĕ иртнĕ.

Мероприятипе килĕшӳллĕн иртнĕ конкурссенчен пĕри — «Шкул музейĕн хуралĕ». Унта Шупашкарти 60-мĕш шкулта вĕренекен Татьяна Урмавшинăпа Юлия Ильина хутшăннă. Вĕсем — шкулти этнографи музейĕн экскурсовочĕсем. Маттурскерсем 1-мĕш степень лауреачĕн дипломне тивĕçнĕ. Вĕсене çак конкурса тăван чĕлхе, истори, тăван ен культури предмечĕсен вĕрентекенĕ Людмила Федотова хатĕрленĕ.

Культура
1 Çĕртме, 2022

Йывăç-тĕм астăвăм комплексне илем кӳрĕ

Сăрпа Хусан хӳтĕлев чиккисене тума хутшăннисене халалланă астăвăм комплексĕнче территорие хăтлăлатма пуçланă. Хальхи вăхăтра унта тирпей-илем кӳрес ĕç пырать.

ЧР Ипотека корпорацийĕн представителĕ Геннадий Шелудяков каланă тăрăх, палăк тавра йывăç-тĕм лартĕç, курăк акĕç. Малтан тĕрлĕ тĕм /гортензи, дерен…/ лартĕç, вĕсем чечекленсе комплекса илем кӳрĕç. Çĕр лаптăкне хатĕрлесе пĕтерсен курăк акма тытăнĕç, вăл пĕр-икĕ эрнере шăтса тухмалла-мĕн. Тĕмсене тата курăка шăвармалли ятарлă хатĕрсем тунă.

Кун хыççăн кун
1 Çĕртме, 2022

Шăпăрлансем те бала пухăнчĕç

Паян Шупашкарти Хĕрлĕ тӳрем пĕчĕк шăпăрлансен хаваслă сассипе, савăнăçлă йăл куллипе пуянланчĕ. Сăлтавĕ те ахаль мар. Шăпах паян Пĕтĕм Тĕнчери Ачасене хӳтĕлемелли кун-çке. Çавăн пекех кунта шкул çулне çитменнисен ăсату балĕ иртрĕ. Çак уявпа вĕсене ЧР Пуçлăхĕ Олег Николаев та саламларĕ.

Вĕрентÿ
30 Çу, 2022

Канмалли кунсенче – 7 пушар

Пушарпа çăлав службин ĕçченĕсем иртнĕ шăматкунпа вырсарникун каллех канайман — çын пурнăçне çăлма васканă.

Канмалли кунсенче Шупашкарти Трактор тăвакансен урамĕнчи 56-мĕш çуртăн 1-мĕш корпусĕнче пĕр пӳлĕмлĕ хваттер çунма тытăннă. Калинин районĕнче вара çул çинче пынă вăхăтрах Volkswagen Golf автомобиль хыпса илнĕ. Çĕрпӳри Боцманов урамĕнче уйрăм çуртра пушар пулнă. Улатăрта, Куславккара, Вăрмарта тата Муркаш районĕнчи Хорнуй ялĕнче вара мунча çуннă. Турра шĕкĕр, çак инкекрен пурте чĕрĕ-сывă хăтăлнă.

Пулса иртни
30 Çу, 2022

Шыва кĕмелли тапхăр уçăлĕ

Çĕртме уйăхĕн 1-мĕшĕнчен пуçласа Чăваш Енре шыва кĕме ирĕк парĕç. Анчах çакăн валли ятарласа уйăрнă вырăнсене çеç çӳремелле.

Ку çулла республикăра 13 пляж ĕçлĕ. Çăлавçă матроссемпе медиксем шыв хĕрринче канакансене хăрушсăрлăхпа тивĕçтерĕç. Муниципалитетсенче çу пуçламăшĕ тĕлне шыва кĕме 128 вырăн хатĕрлеме палăртнă. Шыв тасалăхне Чăваш Республикин шыравпа çăлав службин водолазĕсем тĕрĕслеççĕ.

www.hypar.ru Фото pravdapfo.ru

Кун хыççăн кун

Pages

Хыпарсем