Паян "Мир Луксор" кинотеатрта пĕрремĕш хут "Михаил Сеспель: я мечтатель, идеалист, растяпа" документлă илемлĕ фильм кăтартрĕç. Ăна Мускав режиссерĕ Виталий Баев ÿкернĕ. Çеçпĕл рольне Тăван радио ертÿçи Владислав Московцев вылярĕ. Фильма "Ясна" этнопаркра ÿкернĕ.
Авăн уйăхĕ тĕрлĕ ăмăртупа турнир ирттермелли лайăх вăхăт пулса тăчĕ. Акă ыран черетлĕ ăмăрту старт илет.
Атлетсем «Советская Чувашия» хаçатăн парнисене çĕнсе илессишĕн тупăшĕç. Кăçал та эстафетăна «Олимпийский» стадион йышăнĕ. 81-мĕш хут иртекен турнира Андриян Николаев космонавта асăнса ирттереççĕ тата Шупашкар хули йĕркеленнĕренпе 550 çул çитнине халалланă.
Пĕтĕм тĕнчери Кокель пленэрĕ кăçал Раççейпе Беларуç Республикин Художниксен союзĕсен членĕсене, Хусанти, Чулхулари, Кемеровăри, Абаканри, Шупашкарти ÿнерçĕсене пухнă.
Паян Чăваш патшалăх университетĕнче "Культурăпа кану хутшăнăвĕсене тата спорт мероприятийĕсене нормăпа право тĕлĕшĕнчен йĕркелесси" темăпа пĕтĕм тĕнчери наукăпа практика конференцийĕ иртрĕ.
Паян Шупашкарти маунтинбайк центрĕнче тимĕр вăййипе туслă ветерансен хушшинче çĕршыв ăмăртăвĕ пуçланчĕ. Помост çине 38 регионтан килнĕ 150 яхăн спортсмен тухрĕ.
Чăвашла верси
Русская версия
