Кÿкеçре пурăнакан Анатолий Кузьмин Çĕпĕрте чылай çул ĕçлесе çирĕпленнĕ. Çакă тата çамрăк чухне спортпа туслă пулни ăна паянхи кун та ăмăртусенче вăй виçме пулăшать.
Совет Союзĕнче вăй питти çамрăксене торф кăларнă çĕрте ĕçлеттернĕ. Тăван çĕршывăн Аслă вăрçи пуçлансан çак ĕçре уйрăмах нумаййăн тăрăшнă. Хĕлне-çăвне, çумăрне-юрне пăхмасăр вăй хунă вĕсем. Чăваш яшĕсемпе хĕрĕсем те торф кăларма хутшăннă.
Ку сăн ÿкерчĕке иртнĕ ĕмĕрĕн 40-мĕш çулĕсен пуçламăшĕнче тунă. Унта чăваш çамрăкĕсем сăнланнă. Вĕсем Мускав çывăхĕнчи шурлăхра торф кăлараççĕ.