Совет Союзĕнче вăй питти çамрăксене торф кăларнă çĕрте ĕçлеттернĕ. Тăван çĕршывăн Аслă вăрçи пуçлансан çак ĕçре уйрăмах нумаййăн тăрăшнă. Хĕлне-çăвне, çумăрне-юрне пăхмасăр вăй хунă вĕсем. Чăваш яшĕсемпе хĕрĕсем те торф кăларма хутшăннă.
Ку сăн ÿкерчĕке иртнĕ ĕмĕрĕн 40-мĕш çулĕсен пуçламăшĕнче тунă. Унта чăваш çамрăкĕсем сăнланнă. Вĕсем Мускав çывăхĕнчи шурлăхра торф кăлараççĕ.
Утă уйăхĕн 4-мĕшĕнче Патăрьел районĕнчи Турхан ялĕнче Кокель ячĕллĕ Пĕтĕм тĕнчери пленэр уçăлнă.
Тĕнчипе паллă художникăн Алексей Кокелĕн тăван ялĕнче 12 çул каялла ирттерме пуçланă мероприяти çулсерен вун-вун художника, ÿнер ĕçченĕсене пухать. Кăçал та унта тĕрлĕ регионтан килсе çитнĕ.
Хальхи вăхăтра футболистсем 1/4 финала тухассишĕн кĕрешеççĕ.
Утă уйăхĕн 1-мĕшĕнче иртнĕ матчра Раççей команди Испание парăнтарса çÿлелле хăпарчĕ. 41-мĕш минутра Дзюба пенальти тапса гол кĕртсе шута танлаштарнă. Анчах тĕп тата хушма вăхăтра шут çавнашкалах юлнă.
Пирĕн республикăра муниципалитет пуçлăхĕн тата муниципалитет служащийĕсен кунне ирттересси йăлана кĕнĕ. Кăçал вăл Элĕк районĕнчи Анаткас ялĕ çывăхĕнче иртрĕ. Мероприятие яланхи пекех хула-район ертÿçисемпе вĕсен заместителĕсем, ял тăрăхсен пуçлăхĕсемпе администрацисенче ĕçлекенсем хутшăнăççĕ. Кăçал пĕтĕмпе 26 команда. Ăмăртакансем ишеççĕ, 300 метр чупаççĕ, велосипедпа ярăнса тупăшаççĕ. Пăхаттир пуçлăха та палăртĕç.
Чăвашла верси
Русская версия
