Archive
декабрь 6th, 2013
“Оперăпа балет театрĕнче ĕçлес килет”
Пушкăртстанри Авăркас районĕнчи Шланлă ялĕнче çуралса ÿснĕ Галина Алексеева мĕн пĕчĕкренех юрлама юратнă. Унăн ашшĕ те, амăшĕ те юрă шăрантарма ăста, анчах вĕсем ку енĕпе ятарлă пĕлÿ илмен. Галина вара хăйĕн ĕмĕтне пурнăçа кĕртме шухăшланă. Ăна инçе çул та хăратман - вăл Шупашкара çитнĕ.
Саккуна çирĕплетнин усси пур-и? Пирус тĕтĕмне çаплах çăтатпăр
Тархасшăн та, ку журналист ним çырма аптăранăран пирус туртнин сиенĕ пирки сăмах хускатнă тесе ан шухăшлăр. Кама мĕнле - пĕлместĕп, анчах мана, пируспа айкашса курман çынна, ун тĕтĕмне куллен шăршлама тивни тарăхтармаллипех тарăхтарать. Никотин пÿрне явса пирус мăкăрлантаракан çыннăн организмне кăна мар, ун шăршипе ăнсăртран сывлаканăнне те сиен кÿрет. Çакăн пирки специалистсем тахçанах чан çапаççĕ, çавăнпа çынсем те кун çинчен аванах пĕлеççĕ. Анчах лару-тăру ырă енне улшăнмасть.
“Роман Широковран тĕслĕх илетĕп”
Раштав уйăхĕн 10-мĕшĕ футбол вăййине юратакансемшĕн хăйне евĕр уяв пуль. Пĕрлештернĕ нацисен организацийĕ йышăннă тăрăх - çак кун Пĕтĕм тĕнчери футбол кунне паллă тăваççĕ. Историксен пĕр пайĕ çырса хăварнине ĕненес тĕк «Цу Чю» /«урапа тапмалла»/ вăйă Китайра пирĕн эрăчченхи икĕ пин çул каялла пуçланнă. Теприсем футбола VIII ĕмĕрте Англире пурăннă сакс халăхĕ пуçарнине ĕнентереççĕ.
“Юрату кăвайтне вут хурсах тăратпăр”
Паян Чăваш Енри нумай çамрăк ĕç шыраса Мускава, Питĕре е тата ытти хулана тухса каять. Ĕç укçи тивĕçтерменнипе çыхăннă ку. Красноармейски районĕн Çамрăксен канашĕ пĕлтернĕ тăрăх - кунта, ытти районпа танлаштарсан, ĕçлекен çамрăксен йышĕ 50% таран. Сăлтавĕ - салара газ уçлакан станци тата строительство тăмĕн завочĕ пурри. Район администрацийĕнче те, шкулсемпе ача сачĕсенче те çамрăк специалистсем вăй хураççĕ.
Асамлăха ĕненмесен те...
Туссем, кĕçех Çĕнĕ çул çитет. Раштав уйăхĕ вĕçлениччен шутлă кунсем кăна юлчĕç. Эсир уява хатĕрленме пуçларăр-и? Сăвăсем, юрăсем вĕренетĕр пулĕ. Теттесемпе уяв çи-пуçне ăсталама та тытăнтăр ĕнтĕ.
“Ку хутĕнче кам пулчĕ?”
Çамрăксен театрĕн артисчĕн Дмитрий Петровăн тĕпренчĕкĕ Çĕнĕ çула чăтăмсăррăн кĕтет. Никита Хĕл Мучи пуррине ĕненет. Унран кашни çулах парне кĕтет.
Чăваш хĕрне качча илнĕ итальян
Пĕлтĕр Италие çитсе куртăм. Рим, Венеци, Флоренци, Пиза хулисенче пултăм, анчах унта пурăнакансен чĕлхине пĕлменрен çынсемпе калаçма май килмерĕ. Нумаях пулмасть çак халăх çыннипе Чăваш Енрех паллашрăм. Çĕнĕ Шупашкарта Итали журналисчĕ Массимо Рипани тĕпленнĕ. Ултă чĕлхепе калаçма пултараканскерпе вырăсла пуплерĕм.
Спортра та тăван халăх хаçачĕн тÿпи пысăк
Металран хатĕрленĕ йывăр снарядсене тĕрлĕ меслетпе пуçран çÿлерех тупăшса çĕклесси - спортăн чи авалхи енĕсенчен пĕри. Йывăр атлетика Европăри, Çурçĕр Америкăри тата Азири хăш-пĕр çĕр-шывра XIX ĕмĕр варринче аталанма пуçланă. 1896 çулхи ака уйăхĕнче Грецире иртнĕ I Олимп вăййисенче Аслă Британи, Венгри, Германи, Дани тата Авалхи Эллада атлечĕсем штангăна малтан - пĕр алăпа, унтан икĕ алăпа çĕклессипе вăй виçнĕ.
УКÇА ÇИЛПЕ АН ВĔÇТĔР
Шампунь. Туянсанах ăна савăтран çурри таран урăх савăта пушатăр. Юлнă савăта шыв хушса тулли тăвăр. Усă курас умĕн шампуне лайăх силлесе хутăштарăр. Çакăн пек шампунь чылай перекетлĕрех. Сăмах май, сăлтавĕ кунта перекетре çеç мар, çăра мар шампунь пуç тирне ытлашши типĕтмест. Çапла майпа вăл перекетленет те.
Химипе тасатни. Килте çумалли машинăра мамăк тултарнă курткăсемпе пальто таврашне çунă чух мамăк чăмаккаланса ларать. Каярахпа ăна йĕркене кĕртме те çук.
Патшалăх пулăшăвĕпе
2006 çулта çĕр-шывра ял хуçалăхне пулăшма «АПК аталанăвĕ» наци проекчĕ йышăнчĕç. Кайран вăл патшалăх программи пулса тăчĕ. Çавна май отрасле тепĕр хут вăй кĕчĕ, çĕнĕ фермăсемпе комплекссем уçăлма тытăнчĕç, машинăпа трактор паркĕ хăватлă техникăпа пуянланчĕ. Çичĕ çулта республикăра 160 выльăх-чĕрлĕх объектне çĕнĕрен тунă е юсанă. Сысна, чăх-чĕп ĕрчетесси уйрăмах аталанчĕ. Агропромышленноç секторне пĕтĕмпе 44 млрд тенкĕлĕх инвестици явăçтарнă.