Аслă Устюгра пурăнакан Раççейри тĕп Хĕл Мучи чÿк уйăхĕн 18-мĕшĕнче хайĕн çуралнă кунне паллă тунă. Çакăн хыççăн çĕршыври хуласене асамлă çул çÿреве тухнă. Чÿк уйăхĕн 25-мĕшĕнче вăл Шупашкар хулине çитрĕ. Вăл кунта пĕрремĕш хут! Чи малтан Шупашкар районĕнчи «Ясна» этноэкологи комплексĕнче чарăннă. Каярах «Шупашкар-Арена» пăр керменне тата суту-илÿпе кану центрне çитнĕ.
Анне — чи çывăх та хаклă çын. Вăл пире чĕре айĕнче тăхăр уйăх йăтса çÿрет, çын тăвассишĕн ырми-канми тăрăшать. Мĕн пĕчĕкренех хăйĕн ăшшипе юратăвне пире парса ÿстерет, тĕрĕс çул çине тăратма ăнтăлать, йывăрлăхра пулăшать. Тĕнчери пĕтĕм амăшĕ çапла ĕнтĕ. Анчах çак сăмахсене манăн хамăн аннене Наталья Кульмаковăна халаллас килет.
Çĕрпÿри 1-мĕш вăтам шкул команди пĕтĕм Раççейри «Орленок» ача-пăча центрĕнче çулçÿрев инспектрĕсен слетĕнче хутшăнать. Юпа уйăхĕнче иртнĕ тупăшура малти вырăна тухнăран çак команда пĕтĕм Раççей шайĕнчи ăмăртăва лекме тивĕçнĕ. Слет чÿк уйăхĕн 8-28-мĕшĕсенче «Звездный» лагерьте иртет. Командăри «çамрăк инспекторсем»: Богдан Краснов, Владимир Кузьмин, Арина Никифорова тата Анна Шахраманян.
Чÿк уйăхĕн 9-мĕшĕнче Республикăри ачасемпе çамрăксен библиотекинче Иван Дубановăн «Чăваш Енри шыв-шур» альбом кĕнекин презентацийĕ иртрĕ. Тĕл пулăва Шупашкарти 49-мĕш шкултан 6-мĕш класс вĕренекенĕсем килчĕç.
Иван Дубановăн «Чăваш Енри шыв- шур» альбом кĕнеки 2016 çулта пичетленсе тухнă, Пĕтĕм Раççейри «Манăн пĕчĕк тăван çĕршыв» конкурсра «Тăван çĕршыв сăнарĕ» номинацире çĕнтернĕ. Унтан Испанири курава та хутшăннă. Кĕнекере Чăваш Енри паллă юхан шывсене, кÿлĕсене, çăл куçсене пĕтĕмпех кăтартса панă.
Чăвашла верси
Русская версия
