Archive - 2015 - Тантăш

Пирĕн шкулти пуçламăш классем хушшинче «Профессисен парачĕ» конкурс иртрĕ. Кĕçĕннисем нумай-нумай професси пирки каласа пачĕç, сцена çинчен пултарулăхĕпе паллаштарчĕç.

Вăл спорт туризмĕпе аппаланать, географипе кăсăк-ланать, шкул пурнăçĕнче хастарлăхпа палăрать тата питĕ ăслă, тарăн шухăшлама пĕлет. Физкультура олимпиадин район тапхăрĕнче çĕнтерÿçĕ те пулса тăнă. Ахальтен мар Канашри 3-мĕш шкулта вĕренекен Максим Константинов - ЧР Пуçлăхĕн стипендиачĕ.

«Ĕмĕтлĕ çын çунатлă», - тенĕ ваттисем. Ахăртнех, чăваш халăх юмахĕнче малкай пĕр тилĕ те илтнĕ-тĕр çак каларăша. Ĕмĕчĕ, чăнах та, пулнă хайхискерĕн: питĕ вĕçме вĕренес килнĕ унăн. Çав ĕмĕтех çунатлантарнă та ăна. Тилĕсем вĕçме çуралманнине чухламан-çке-ха апăрша. Вĕçев урокĕ илме тăрна патне васканă.

Чăваш наци библиотеки «Нарспие» вулатпăр» мĕнпур халăх хушшинчи проекта пуçарасси пирки хыпарлать. Ăна Чăваш Енри Константин Иванов çулталăкне халалланă.

Тĕнчери чи пĕрремĕш валентинкăна Орлеан герцогĕ Чарльз (1415 ç.) çырнă тесе калаççĕ. Тĕрмере лараканскер тунсăха сирес тесе тăтăшах савнă мăшăрĕ патне юрату çырăвĕсем вĕçтернĕ. Анчах та «валентинка» парнелес йăла 18-мĕш ĕмĕрте çеç анлă сарăла пуçланă. Халĕ Çветтуй Валентин кунĕнче ăшă ту-йăмсем çинчен пĕлтерекен, уяв ячĕпе саламласа çырса парнеленĕ чĕре евĕр открытка «валентинка» шутланать. Унсăр пуçне çак паллă кунра юратакансем пĕр-пĕрне кĕлчечек (вăл юратăва пĕлтерет иккен), чĕре евĕр канфет е урăх япала парнелеççĕ.

Пĕтĕм тĕнчери Юратакансен кунне кашни çĕршывра тĕрлĕрен паллă тăваççĕ. Американсем, сăмахран, савнийĕсене çеç мар, юлта- шĕсене те, çывăх çыннисене те юратни çинчен пĕлтерсе открыткăсем парнелеççĕ.

Канадăра хĕрсем, хĕрарăмсем çак кун юратнă çыннине качча илме ыйтма пултараççĕ. Хирĕçлекен каччăсен штраф тÿлеме тивет, хăш чухне вĕсене темиçе кунлăха тĕрмене те лартаççĕ.

Паян та, ыран та тав тăвĕç вĕсем. 2 «в» класра вĕренекенсем «Тетте» журнала çав тери юратаççĕ.

Фанталетсен тĕнчине çитсе курар-и? Наталья Мазюковăн кĕнеки вырăсла тухнă, «Фантазилия» ятлă.

Пĕр шикленÿсĕр. Дима Кудряшов стипендиат.

Шкул «тĕкĕрĕ» - пирĕн пурнăç тĕкĕрĕ. Хуракасси шкулĕнче вĕренекенсем виçĕ хаçат кăлараççĕ.

Çеçпĕл чĕриллĕ çамрăк сăвăç. Маша Тридворнова - шанчăклă юлташăм, тепĕр чух тăванран та çывăхрах.

Ачасен шăпи – пирĕн алăра. Эпир хамăр ачасене юрататпăр.

Киле çитеймен çырусем... Александр Голиков танкист мăшăрĕ патне çырнă йĕркесем

2 «в» класра вĕренекенсем «Тетте» журнала çав тери юратаççĕ. Унта пичетленекен поэт-писательсен сăвви-калавне кăмăлласа вулаççĕ. Республикăри тĕрлĕ район ачисен ĕçĕсемпе те хаваспах паллашаççĕ.

Пĕррехинче пĕлĕшĕме тĕл пултăм та вăл мана: «Чăваш Ен наци радионе итлерĕм, унта Етĕрне сăвăçи хăйĕн хайлавĕсене вуларĕ. Пур сăвви те хăй евĕрлĕ, кăсăклă тата илемлĕ. Ячĕсене астуса юлаймарăм - питĕ фантазиллĕ-çке», - терĕ.

- Пултаруллă енсене пытарас çук, малалла туртăнмалла: шикленмесĕр, харсăррăн, хăюллăн. Хăвăр тăрăшнине кура сире мухтакансем те, пулăшакансем те пулĕç, - терĕ Дима Кудряшов стипендиат.