Archive - 2013 - Тантăш

декабрь 12th

12 Раштав, 2013

Мускавсене те тĕлĕнтерчĕç

Хĕрлĕ Чутай шкулĕнче физкультура тата пурнăç хăрушсăрлăхĕн никĕсĕсен урокĕсене ирттерекен Эдуард Васильевич Романов хăйĕн вĕренекенĕсене тĕрлĕ конкурса ялан тĕплĕн хатĕрлет.

12 Раштав, 2013

Кукаçи, сан пек хастар пуласчĕ ман!

Тăван ен культури уро- кĕнче эпир чăваш кил-çурчĕ çинчен вĕрентĕмĕр. Халăхăмăр мĕн авалтанах хăй пурăнакан вырăна тирпейлĕ тытма тăрăшнă. Çурт таврашне тĕрлĕ эрешпе илемлетнĕ.

12 Раштав, 2013

Хĕрÿ конкурсра - пĕрремĕш

Мускаври сывлăха çирĕплетекен «Атлант» спорт комлексĕ. Конкурса килнĕ ачасем пурте шухăшлă. Вĕсем мĕн пирки пăшăрханнине тÿ-рех чухлама пулать. Пурте çĕнтерÿ пирки ĕмĕтленеççĕ.

12 Раштав, 2013

Тăван чĕлхепе сăвă шăрçалать 12.12.2013 Ирина КОШКИНА

Ман юратнă анне,
Эс пĕр тан хĕвелпе!
Парнелерĕн мана çут тĕнче
Ыр курса пурăнма пиллесе.
 
Эс мана ÿстерен, вĕрентен,
Эпĕ лайăх пулсан - хĕпĕртен.
Пурнăç çулĕ çине тăратан,
Шикленен çав çултан пăрнасран.

декабрь 7th

декабрь 5th

5 Раштав, 2013

Телей çулне шырани

Мĕн авалтан çут тĕнчере мĕн пур ĕçе иккĕн - Харсăрккапа Темтепĕлейкин йĕркелесе пынă тет. Пĕри - хастар асатте, ĕçре хатăр пулнăран ăна Харсăркка ят панă. Вăл ĕçе нумай шутласа тăмасăр тунă. Кирек мĕнле япалана та хоп çĕкленĕ те лап хунă кирлĕ вырăна. Пурнăçне ăнтарайман, анчах ĕçсĕр аптăраса ларман.

Тепри вара ăслă асатте - Темтепĕлейкин. Питĕ ăслăскер, кирек мĕнле ĕçе пуçăниччен чи малтан çамкине пĕрĕнтерсех шутлаканскер, тĕнчене куçпа мар, ăспа курнă пулмалла.

5 Раштав, 2013

ЯТАРЛĂ ВЫРĂНТА УПРАМАЛЛА

Эмелсене вĕсем пăсăласран ятарласа палăртнă вырăнта упрамалла. Кашнин хăйĕн йĕрки пур.

Çутă лекмен вырăнта. Эмелсем янкăр çутăра уйрăмах хăвăрт пăсăлаççĕ. Çавăнпа вĕсене тĕттĕм вырăнта е тĕксĕм тĕслĕ флаконра упрамалла.

Нÿрĕкрен аяккарах. Тÿмесемпе капсулăсем хăвăрт йĕпенеççĕ, вĕсем валли типĕ вырăн кирлĕ.

Сывлăш ан лектĕр. Уçăлла упрасан эмел пăсланма, сывлăшри япаласене туртса илме е кислородпа реакцие кĕме пултарать. Çавăнпа кĕленчесене çăтă пăкăлаççĕ. Тÿмесене эмел кăларнă чухне вырнаçтарнă сывлăш кĕмен упаковкăра упраççĕ.

5 Раштав, 2013

КАКАЙ - САХАЛРАХ

Çын хăйне лайăх туясси япаласен ылмашăнăвĕнчен килет. Вăтăртан иртсен вăл вăрахланать. Çулсем иртнĕ май организм выльăх белокĕсене япăхрах йышăнма пуçлать.

Хĕрлĕ какайри /ĕне, сысна,сурăх ашĕсем/ япаласем энерги туса кăларма мар, йÿçеклĕх ĕçне хутшăнма тытăнаççĕ. Клеткăсем йÿçекленни вара чирсем /сыпă чирĕсенчен онкологи таранах/ патне илсе пырать. Çавăнпа халĕ терапевтсем 35-40 çулсенчен аслăрах çынсене хĕрлĕ какая эрнере пĕр е икĕ хутран тăтăшрах çиме сĕнмеççĕ. Тата ăна ăшаланă çĕр улмипе пĕрле çимелле мар, мĕншĕн тесен шăпах унра канцерогенсем пухăнаççĕ.

5 Раштав, 2013

Йăла тени çумрах çÿрет

«Кашни йăлан майĕ пур», - теççĕ халăхра. Мĕн авалтан пыраканскерсене пирĕн аслă ăрурисем çирĕп пăхăнма тăрăшнă. Паян вара çамрăксем те çак калама çук хаклă йĕркесене чылăй чухне пăхăнас ĕмĕтлĕ. Пахи кунта - вĕсен ку енĕпе туртăм пурри, ăна сÿнме парас мар тени.

5 Раштав, 2013

«Раççей пирки шухăшлатпăр-ха, аннесем пирки пуçра та çук!..»

Чÿк уйăхĕн 29-мĕшĕнче К.В. Иванов ячĕллĕ Чăваш патшалăх академи драма театрĕнче Арсений Тарасов пьеси тăрăх лартнă «Мунча кунĕ» спектакль премьери пулчĕ. Режиссерĕ тата илемлĕх ертÿçи _ СССР халăх артисчĕ, РФ тата ЧР Патшалăх премийĕсен лауреачĕ Валерий Яковлев. Режиссерĕ _ Наталия Сергеева. Композиторĕ _ ЧР искусствăсен тава тивĕçлĕ деятелĕ, РФ тата ЧР Патшалăх премийĕсен лауреачĕ Николай Казаков.

Pages