Пĕлтерĕшлĕ

Эмелсене вĕсем пăсăласран ятарласа палăртнă вырăнта упрамалла. Кашнин хăйĕн йĕрки пур.

Çутă лекмен вырăнта. Эмелсем янкăр çутăра уйрăмах хăвăрт пăсăлаççĕ. Çавăнпа вĕсене тĕттĕм вырăнта е тĕксĕм тĕслĕ флаконра упрамалла.

Нÿрĕкрен аяккарах. Тÿмесемпе капсулăсем хăвăрт йĕпенеççĕ, вĕсем валли типĕ вырăн кирлĕ.

Сывлăш ан лектĕр. Уçăлла упрасан эмел пăсланма, сывлăшри япаласене туртса илме е кислородпа реакцие кĕме пултарать. Çавăнпа кĕленчесене çăтă пăкăлаççĕ. Тÿмесене эмел кăларнă чухне вырнаçтарнă сывлăш кĕмен упаковкăра упраççĕ.