Archive - 9 Утă, 2015 - Çамрăксен хаçачĕ

Кĕтÿ пăхма кайсан та юрă шăрантарнă

Пĕр-пĕрне çур сăмахранах ăнланаççĕ

Çăмăл атлетсем каллех савăнтарчĕç

Чăваш Ен хĕрĕсем - çуллахи Универсиадăра

Мускав варринче кĕрлерĕ Акатуй...

Тĕнчери чи илемлĕ хĕрарăм

“Чăвашсен ваттисен сăмахĕсем питĕ тарăн шухăшлă”

Кунта никама та уйăрмаççĕ

Вĕсен сĕтелĕ çинче хĕлле те ­­­— килти иçĕм çырли

Ăна сăр пулли вилĕмрен хăтарнă

Пулас кĕрÿ Мускавран майрапа таврăнчĕ

Пуян арçынсене чăтма пултараймастăп

Хăй хăва хулли пек çинçешке пулсан та ячĕ унăн, чăн та, питĕ чаплă: Виктория. Чăвашла куçарсан «çĕнтерÿ» тенине пĕлтерет вăл. Кĕçех 17 çул тултаракан чăваш пикин ĕмĕчĕсем хăй пекех таса та çутă. Чылай çамрăкпа танлаштарсан, паянхи кун тĕлне вăл пурнăç çулĕ çинче самаях çирĕп тăрать.

2008 çулта Раççейре Юрату, çемье тата шанчăклăх кунне уявлама йышăннă. Çулсерен нумай çул пĕрле пурăнакан, çĕршыва юрăхлă нумай ача пăхса ÿстерекен мăшăрсене «Юратупа шанчăклăхшăн» медальпе чыслаççĕ.

Шупашкарта 40 çула яхăн каялла уçăлнă «Олимпийский» стадион çĕнĕ ĕмĕр пуçламăшĕнче тĕплĕ юсавпа строительство ĕçĕсем хыççăн Атăлçи тăрăхĕнчи чи илемлĕ те хăтлă спорт сооруженийĕсенчен пĕри пулса тăчĕ. Кунта Пĕтĕм тĕнчери ăмăртусем, Европа чемпионачĕсем йĕркелеме пуçларĕç.

Ăмăртăвăн пĕрремĕш кунĕнчех пирĕн çĕршыв чысне хÿтĕлекен студентсем 9 наградăна тивĕçнĕ. Трамплинран шыва сикекен Екатеринбург каччи Никита Новоселов çăмăл алăллă пулчĕ. Çĕршыв чысне тĕнче шайĕнче хÿтĕлекенскер пухмача пĕрремĕш наградăпа - «кĕмĕлпе» - пуянлатнă.

Çурхи ĕçсене вĕçлесен çулленех ака уявне паллă тăватпăр. Районсенче кăçал Акатуйсем тахçанах кĕрлесе иртрĕç, регион шайĕнче те ăна Республика Кунĕнче Шупашкарта юрласа-ташласа паллă турăмăр. Иртнĕ шăматкун, июль уйăхĕн 4-мĕшĕнче, чăвашсен тĕп уявĕ Мускавра вунтăваттăмĕш хут пулчĕ.

Раççейĕн тĕп хулинче иртнĕ Акатуйра тĕлĕнмелле каччăпа паллашрăм. Мускав облаçĕнчи Пушкинăра пурăнакан Егор Мельчохинăн йăхĕнче чăвашсем çук, вăл Шупашкара пĕрре те килсе курман. Çапах чăваш чĕлхипе, культурипе, искусствипе, йăли-йĕркипе, республика историйĕпе çине тăрсах интересленет.

Пăрачкав районĕнчи 415 киллĕ Кудеиха ялĕ темиçе наци халăхне пĕрлештернĕ. Кунта вырăссем, чăвашсем, мăкшăсем, украинсем пĕр çемьери пек пурăнаççĕ. Ялта Азербайджан çынни те, эрмен те тĕпленнĕ. Кудеихăра 936 çын пурăнать. Вĕсенчен 53: - вырăс, 14: - чăваш, 4: - мăкшă. Кунта никама та уйăрмаççĕ.

Çуллахи вăхăтра лавкка сентрисем тутлăран та тутлă улма-çырлапа йăтăнаççĕ. Кăнтăрта çитĕннĕскерсем куçа илĕртеççех. Пылак çак çимĕçсене укçа тăкакласа туяниччен килтех ÿстерме май пур. Кудеиха ялĕнче пурăнакан Александр Теменев хăйĕн пахчинче нумай çул иçĕм çырли çитĕнтерет.