Archive - 2014 - Çамрăксен хаçачĕ

В номере:

Указ Главы Чувашской Республики от 3 февраля 2014 года № 11 «О Ноздрякове М.Г.».

Сирĕн хаçатрахчĕ пулас - вăрăсене хĕллехи вăхăтра хут çине «акмалли» меслет çинчен çырнăччĕ. Ун çинчен тепĕр хут аса илтерсен аванччĕ. Вăрăсене пĕр-пĕринчен миçе сантиметртан вырнаçтармалла.

Вера КОСОЛАПОВА.

Çĕмĕрле районĕ.

Çаплах, хут çине «акмалли» меслет çинчен пирĕн хаçатра çырнă. Çак мел çуркунне ĕçе чылай хăвăртлатма май парать. Çапла майпа кишĕр, салат, укроп, редис, хĕрлĕ кăшман вăррисене «акма» пулать.

Килти пахчара кĕмĕл тĕслĕ чăрăш питĕ ÿстерес килет. Нумаях пулмасть хула паркĕнче çак йывăçăн йĕкелĕсене тупрăм. Вĕсенчен чăрăш ÿстерме пулмасть-и.

Валентина СМИРНОВА.

Красноармейски районĕ.

Вăрăран ÿстерме пулать. Анчах ку ĕçре те пĕлÿ е хăнăху кирлĕ. Мĕншĕн тесен хунав ÿстермелли вăрăсене темиçе тапхăрпа /стратификаци, пиçĕхтерни тата ытти те/ хатĕрлемешкĕн кашнинех тÿсĕм те çитеймест.

Хăш пахча çимĕç культурисем юнашар лайăх ӳсеççĕ, хăшĕсем пĕр-пĕрне килĕштермеççĕ?

Пур ӳсен-тăран та пĕр-пĕрне витĕм кӳрет, вĕсен пĕрлехи е тĕрлĕ сăтăрçи пур.

Пĕрисем пĕр йышши усăллă япаласемпе тăранса пурăнаççĕ, çапла майпа пĕр-пĕрне чăрмав кӳреççĕ. Теприсем вара пачах та урăхла, пĕр-пĕрне сăтăрçăсенчен хӳтĕлеççĕ /калăпăр, сиенлĕ хурт-кăпшанкăна шăршăпа хăратаççĕ/, ӳсме, тутлăхлă япаласемпе усă курма чăрмантармаççĕ.

Акă пĕтĕм тĕнче кĕтнĕ Олимпиада кунĕсем çитрĕç. Ку уява Раççей чылай çул хатĕрленчĕ. Халĕ тĕп вырăнта - ăна тивĕçлĕ шайра ирттересси. Олимп вăййисене хутшăнакан спортсменсемсĕр пуçне ăмăртусене курма каякан та чылай.

Тĕнчере илемлĕ çĕр-шыв нумай. Туристсем чи юратнисен йышĕнче Итали 4-мĕш вырăн йышăнать. Вăл искусство палăкĕ нумаййипе малта тăрать, çавăнпа наци укçин 63% туризмран пуçтарăнать. Финанспа промышленноç тухăçлăхĕпе Итали тĕнчере 7-мĕш вырăн йышăнать.

Пĕлтĕрхи раштав уйăхĕнче Раççей марафонçи Дмитрий Ерохин ырă кăмăллăх чупăвне тухнă. Вăл Мускавран Сочие çити 30 кунра çитме палăртнă. Спортсмен маршрута 26 кунра парăнтарнă. Вăл 1560 çухрăм чупнă, ырă кăмăллăх фончĕ валли 100 пин тенкĕ пухнă.

* * *

Чул хулара çуралса ÿснĕ Виктор Медведевăн нумаях пулмасть çĕнĕ кĕнеки кун çути курнă. «Ахаль мар шашкăсем» ятлăскерте 50 вăйă правилине ÿкерчĕксемпе усă курса тĕплĕн ăнлантарнă. Вĕсен йышĕнче «Чăваш шашки» тата «фшашки» пур. Кĕнеке авторĕ сĕтел çи шухăшлав вăййисемпе темиçе çул каяллах кăсăкланма тытăннă.

Паян Сочире спортăн пысăк уявĕ старт илет. Олимпиадăна кайма, ăмăртусене сенкер экранран мар, хăйсен куçĕпе курма аслисем те, кĕçĕннисем те ĕмĕтленеççĕ. ЧР Вĕренÿ министерстви республикăри ача çурчĕсенче пурăнакан 6 хастара Олимп вăййисене çитсе курма май туса панă.

Спортсмен сăн ÿкерчĕкĕ - учебникре

Лавккасенче çĕр-шыври, тĕнчери паллă çынсен сăн ÿкерчĕкĕсемлĕ çыпăçтармалли хутсем сутаççĕ. Вĕсем çинче ытларах чухне эстрада "çăлтăрĕсен", спортсменсен сăнне курма пулать. Ятарлă литература кĕнекисенче, хаçат-журналта вĕсем çинчен çыраççĕ-ха. Пултаруллăскерсен сăн ÿкерчĕкĕсене учебниксенче пичетленĕ тĕслĕхсем пулнă-и?

Виктор ПОРФИРЬЕВ.

Муркаш районĕ.