Archive - 16 May, 2014 - Хресчен сасси

Арçын пĕр сăмах чĕнмесĕр сутуçă умне ывăç тулли вак укçа кăларса хучĕ. Лешĕ те сăмах хушмасăр пĕчĕкçĕ икĕ кĕленче кăларса лартрĕ. Лутăрканчăк сăн-питлĕ арçын вĕсене самантрах шăлавар кĕсйине персе чикрĕ. Унтан чÿрече умĕнчен лÿпперрĕн пăрăнса аптекăран тухса кайрĕ.

Елена Николаева

Хĕвел чечекĕ теççĕ календула пирки. Чылайăшĕн пахчипе кил умне илем кÿреççĕ вĕсем. Хăшĕ-пĕри унăн чечекне типĕтсе тирпейлĕн пуçтарса хурать. Анчах вăхăт иртнĕçемĕн ун çинчен манса каять. Вăл вара пире кирек хăçан та пулăшма хатĕр. Пыр ыратсан календула шывĕпе çăвара чÿхеме аван. Хырăмлăхпа пыршăлăх чирĕсенчен те пулăшать.

Елена Николаева

Мĕнле çывăрсан лайăхрах? Меллĕ выртса çывăрсан çын кун тăршшĕпех хăйне лайăх туять.

Çурăм çинче çывăрни ÿт-пÿ мышцисене лаштăр яма, çурăм шăммине кантарма май парать. Анчах кун пек чухне минтере тĕрĕс суйласа илмелле. Ытла çÿлли те, ытла пĕчĕк пулни те çырлахтармасть. Ӳпке чирĕпе чирлекенсен, ватă çынсен, çавăн пекех çывăрнă вăхăтра харлаттаракансен çурăм çинче çывăрма тăрăшмалла мар.

Елена Николаева