Archive - 28 Çу, 2014 - Хресчен сасси

28 Çу, 2014

Пире чăваш сăпкинче сиктернĕ

"Историсĕр йăласем çук, йăласемсĕр культура çук, культурăсăр воспитани çук, воспитанисĕр ăс-хакăл пуянлăхĕ çук, ăс-хакăл пуянлăхĕсĕр уйрăм çын çук, уйрăм çынсăр халăх çук", – тенĕ Волков академик.

28 Çу, 2014

Чăваша лаша кирлех

Кăçал Çĕнĕ çул ячĕпе мана чи малтан Чĕмпĕртен Станислав Толстов композитор саламларĕ.

– Тин çеç вун иккĕ çапрĕ, – терĕ вăл кăмăллăн. – Сана лаша çулĕнче, культура çулталăкĕнче çирĕп сывлăх, телей, ăнăçу сунатăп...

Савăнтăм, салама йышăнтăм. Пĕлетĕп, Станислав Петрович çут çанталăк тусĕ, Патăрьел тăрăхĕнчи пысăк вăрман çумĕнчи Сăкăтра çуралса ÿснĕскер, лашасене питĕ юратать. Юратмасăр, çÿрен лаша телейлĕ ачалăхăн савăнăç сăпки-çке. Лайăх, тирпейлĕ пăхсан, кунĕн-çĕрĕн хăваламасан вăтăр çул таранах пурăнать вăл.

28 Çу, 2014

Ял - пултарулăх лаççи

Мĕнле художникăн вăтăр ытла картини Мускаври Третьяковка галерейинче упранать тетĕр? Канаш районĕнчи Сиккасси ялĕнче çуралса ÿснĕ Анатолий Иванович Миттовăн. Сумлă ÿнер лаççинче ытти чăвашсен ĕçĕсем те пур, анчах Миттова çитекенни çук.

80 çултан иртнисенчен темиçе кĕнеке çырса кăларакан, тăрăшсах истори картинисем ÿкерекен çынсем пур-и сирĕн ялта? Сиккассинче пур.

28 Çу, 2014

Ашшĕ-амăшне кура

Кăçалхи çу уйăхĕн 28-мĕшĕнчен пуçласа çĕртме уйăхĕн 1-мĕшĕччен «Успешная семья Приволжья – 2014» фестиваль-конкурс иртет. Пĕлтĕр унта округри пур регионтан 25 çемье хутшăннă, вĕсен йышĕнче нумай ачаллисем – 21, ача усрава илнисем – 4.

Мероприятие Киров хулинче йĕркелеççĕ. Ку тĕлĕшпе асăннă тăрăх пысăк опыт пухнă. Ахальтен мар кунта 16 çул «Ее Величество – Семья» фестиваль-конкурс иртет.

28 Çу, 2014

Çукран пуяна тухнă

Каччă аслă пĕлÿллĕ хĕре качча илсен ăна кунта преми тÿлеççĕ. Метро компьютерпа ĕçлет. Çын çумĕнче 15 грамм марихуана тупсан вара ăна çакса хураççĕ. Тахçан чухăн пулнă Сингапур çакнашкал çирĕп йĕрке тунипе Раççейрен те пуянрах.

Йытăсем те вĕрмеççĕ

Хулара йытă сасси те илтĕнмест. Йытă вĕрсе кÿршĕсене вăратсан унăн сасă чĕлĕхĕсене татаççĕ _ пĕтĕмпех саккунлă.