Archive - 31 Пуш, 2016 - Хыпар

Республикăри Вĕренÿ институтĕнче шкул ачисен Раççейри регион тапхăрĕнчи «Ăнăçу патне çитерекен çулна туп» олимпиада çĕнтерÿçисене чысларĕç.

Пиллĕкмĕш класри Аня Иванова — республика шайĕнчи «Чĕрĕ сăмах» конкурс çĕнтерÿçи, «Сăвва чи лайăх вулакан» номинацире пĕрремĕш вырăна тухнă вăл.

Паттăрлăх урокĕсем пирĕн шкулта иртесси йăлана кĕчĕ ĕнтĕ. Ĕç ветеранĕсем, офицерсем вĕренекенсем патĕнче тăтăшах пулаççĕ. Хальхинче ачасемпе тĕл пулма В.М.Лабутов полковник, В.В.Курманин подполковник хаваспах килĕшрĕç.

Ӳкерме ăста Руслан Яхшимов. Алла кăранташ тытсан яланах тăрăшса чăрăш ӳкерет. Йывăç çумнерех вара пысăк саспаллисемпе РУСЛАН тесе шăрçалать.

Сергей паян тăхăр сехет тĕлнелле вăранчĕ те хăйĕнчен хăй тĕлĕнчĕ! «Мĕнле-ха ку таранччен çывăрнă-ха эпĕ? Тепĕр тесен юрать-çке. Çуркуннехи каникул вĕт. Канмалла». Темĕнле кирлĕ ĕç алă пымасăр юлнă, вăл пуçран тухма пĕлмест пек.

Ашшĕ пек ылтăн алăллă, ырă кăмăллă пулма ăнтăлать улттăмĕш класра вĕренекен Алексей Кашкаров.

Ĕлĕкхи вăхăта сăнлакан ача-пăча кĕнекисене шĕкĕлчеме кăмăллать Диана Эрень. Вуласа тухсан темчченех шухăша каять.

Вулавăш, лавкка çÿлĕкĕсем çинче çĕршер, пиншер кĕнеке вулаканне кĕтсе выртать. Кашниех хăйне евĕрлĕ те интереслĕ. Пĕри пăтăрмахлă çулçÿревсемпе асра юлать тĕк, тепри асамлă юмах тĕнчипе тыткăнлать. Виççĕмĕшĕ çапăçу хирне те ертсе çитерме пултарать. Суйла та вула.