Archive - 2015 - Хыпар

Çĕнĕ Шупашкарти Ачасен искусство шкулĕнче «Кубань тăрăхĕнчи йăлана кĕнĕ пуканесем» курав уçăлнă. Ăна РФ культурăн тава тивĕçлĕ ĕçченĕ, Раççей тата Чăваш Ен Художникĕсен союзĕсен членĕ, искусство шкулĕн преподавателĕ Татьяна Шаркова пуçарăвĕпе йĕркеленĕ.

Февралĕн 2-мĕшĕнче Чăваш Ен Пуçлăхĕ Михаил Игнатьев строительство организацийĕсен ертÿçисемпе канашлу ирттернĕ. Отрасль ĕçченĕсене вăл ырми-канми тăрăшнăшăн тав тунă.

«Эпир çĕнĕ предприятисем уçрăмăр. Эпĕ çĕнĕ проектсемпе мăнаçланатăп, эсир республика рынокĕнче кăна мар, унăн тулашĕнче те усă куракан таварсем туса кăларатăр. Шансах тăратăп: ку таранччен пухнă опыт сире паянхи ансатах мар лару-тăрура аталанма тата тавара вырнаçтарма хушма мелсем тупмашкăн пулăшĕ», - палăртнă Михаил Игнатьев.

«Халăх фрончĕ» /«ХФ»/ Федерацин пичет тата массăллă коммуникацисен агентствипе пĕрле регионсенчи массăллă информаци хатĕрĕсенче ĕçлекенсене социаллă пĕлтерĕшлĕ проектсене пурнăçа кĕртме федераци бюджетĕнчен субсиди илме пулăшу кÿрес тĕллевпе вебинар ирттернĕ. «ХФ» пуçарăвĕпе журналистсем илме пултаракан субсиди калăпăшĕ пĕчĕк мар: 400 млн тенке яхăн. Ытларах пайĕ «Раççей почти» хăйĕн тарифĕсене хăвăрт ÿстернипе пулнă тăкаксене саплаштарма кайĕ.

Шупашкар районĕнчи «Юрма» агрохолдинг - республикăри малта пыракан чи пысăк предприятисенчен пĕри. Юлашки çулсенче пĕчĕк хула евĕр ÿссе сарăлнăскер, килен-каяна хăйĕн анлăшĕпе тĕлĕнтерет. Çавăнпа пресса машини унăн урамĕсенче аташса çÿренĕ хыççăн кирлĕ вырăна аран-аран çитрĕ. «Агрохолдинг çыннине пĕрле лартса тухмаллаччĕ», - тесе шÿтлерĕç журналистсем.

«Сĕт туса илекен пĕчĕк хуçалăхсен ĕçченĕсем кашни çулах çуркуннепе çуллахи тапхăрта йĕркеленекен сутлăх хак пĕчĕк пулнине тĕрĕсех палăртаççĕ. Çавăнпа та Чăваш Ен Ялхуçалăх министерствипе Экономика аталанăвĕн министерстви, Патшалăх ветеринари служби тата районсемпе хуласен администрацийĕсен умне чĕрĕ сĕт пахалăхĕпе калăпăшне тата сĕт туса илекенсен таврашĕнче йĕркеленекен хаксене патшалăх тĕрĕслесе тăрассине тивĕçтерме тĕллев лартатăп.

ЧР Ялхуçалăх министерстви район администрацийĕсенчен килти хуçалăхран сĕт мĕн хакпа пуçтарни тата ăна пухакансем çинчен информаци ыйтса илет. Январĕн 30-мĕшĕ тĕлне пухнă сводкăна пĕлтĕрхи декабрĕн 26-мĕшĕнче пĕтĕмлетнипе танлаштарсан чылай районта улшăну пур. Ăна тишкерер-ха.

Улатăр районĕнче 3 организаци çеç сĕт пухать. Пĕри хака 1-ер тенкĕ ÿстернĕ, иккĕшĕн декабрьти пекех /кашни кг - 17 т/.

Элĕк енре продукци пуçтаракансенчен пурте тенĕ пекех сутлăх сĕте - 2-шер, «Новый путь» ЯХПК 1-ер т йÿнетнĕ. Элĕксен хакĕ - 18-шар тенкĕ.

Иртнĕ шăматкун ЧР Наци библиотекинче Чăваш наци конгресĕн Мăн Канашĕн черетлĕ ларăвĕнче пулма тиврĕ

Аптриш вăл Конгреспа! Иртнĕ ĕмĕрĕн тăхăрвуннăмĕш çулĕсен пуçламăшĕнче пĕтĕм чăваш халăхĕ пĕр кăмăллă пулса, Чăваш Ен ертÿçисемпе пĕр чĕлхе тупса пысăк шанчăкпа йĕркеленĕскер, малтанах вăл Чăваш наци юхăмĕн, чĕрĕлĕвĕн хăйнеевĕрлĕ «Смольнăйĕ» пулса тăчĕ. Ĕç вĕресе кăна тăратчĕ çав «Смольнăйра!» Урнă тинĕсре ишекен «Раççей» ятлă вышкайсăр пысăк карап хумсемпе кĕрешет, вăл ăçталла ишни, малта ăна мĕн кĕтни никамшăн та паллă мар. Пĕрисем Совет Союзĕ арканчĕ пулсан, Раççей те арканатех теççĕ, çак «историллĕ процеса» васкатма тăрăшаççĕ. Хусанта лăпкă мар, Ĕпхÿре лăпкă мар, Чечняпа Кавказри ытти республикăсем пирки калама та кирлĕ мар.

Çак сăмахсем Хĕрлĕ Чутай районĕнчи Енкĕлтре пурăнакан Бариновсене тÿрремĕнех пырса тивеççĕ. Сергей Егоровичпа Людмила Алексеевна пурнăç çулĕпе 50 çул пĕрле утаççĕ.

Сывă-и? Сирĕн хаçата питĕ юратса вулатăп. Уйрăмах "Арçынпа хĕрарăм" страницăри çырусем чуна тыткăнлаççĕ. Эпĕ те хамăн ăраскал пирки пĕлтересшĕн.