«Чăваш бройлерĕнче» ĕç укçи илеймеççĕ
Предприяти коллективĕ умĕнчи ĕç укçи парăмĕ пухăнса кайнăран пĕр кун маларах кунта тивĕçлĕ органсене пĕлтермесĕрех «забастовка» пуçланă. Брифинг иртнĕ кун хуралçăсем унта хутшăнса аш ещĕкĕсене тиесе тултарнă автотранспорта общество территорийĕнчен кăларса яман. Фабрика акцийĕсен пысăкрах пайне тытса тăракан А.Четвериковăн предприятири представителĕсем çийĕнчех полици нарядне чĕнтернĕ.