Archive - Ака 2018 - Хресчен сасси

   * Япăх вăрлăхпа хире вараламастпăр

   * Çуркуннепе ĕç уявĕ

   * Ĕçчен çынран ĕç хăрать

Вăрнар районĕнчи «Мураты» ЯХПКра 350 гектар кĕрхи культурăсене апатлантарнă. Умри хĕрÿ тапхăр пирки хуçалăх ертÿçин çумĕпе Юрий Спиридоновпа калаçу хускатрăмăр.

Уяв пархатарлă ĕçе, ĕç çыннине мухтать, халăха пĕтĕçтерет, унăн пурнăçри яваплăхне ÿстерет. Ĕç çынна ăс-хакăл тĕлĕшĕнчен ÿсме, аталанма пулăшать, тăван çĕршыва хисеплеме вĕрентет.

Çуркунне енне Хĕрлĕ Чутай пасарĕ Туктамăшри Соловьевсен ешĕл çимĕçĕпе, хăяр-помидорĕпе тулать. Килте çитĕнтернĕскере çынсем хаваспах туянаççĕ. Çакă Виталий Юрьевич Соловьева фермер хуçалăхĕ йĕркелеме хавхалантарнă.

Виталий Филиппов 1937 çулта Вăрмар поселокĕнче çуралнă. Каярахпа ашшĕ-амăшĕ Муркаш районĕнчи Мăн Сĕнтĕр ялне куçса кайнă. Вăтам шкул хыççăн Виталий Васильевич Чăваш патшалăх ял хуçалăх институтне вĕренме кĕнĕ. Хĕллехи каникул вăхăтĕнче ялта студентсемпе тĕлпулу иртнĕ. Шăпах çакăнта вăл Йошкар-Олари вăрман хуçалăх институтĕнче ăс пухакан студентпа паллашнă. Ачаранах йывăç лартса çитĕнтерме кăмăлланăскер шухăшне улăштарма шут тытнă. Унпа ашшĕ те килĕшнĕ. Пĕрремĕш курс хыççăн каччă Йошкар-Олари вăрман хуçалăх институтне вĕренме куçнă.

Тĕп хулари Энтузиастсен урамĕнчи 5-мĕш çуртра пурăннă Александр Ионычева 1992 çулхи ака уйăхĕнче юлашки çула ăсатрĕç. Эпĕ унпа час-часах курнăçаттăм. Александр Васильевич, водитель пулнă май, пахчана строительство материалĕ турттарса пулăшатчĕ. Пĕр сăмахпа каласан, çынна яланах ырă тăватчĕ, йывăр самантра — Тăван çĕршыва та.

* Акари ыйхă, авăнри хуйхă...

* «Кил вучахне сÿнтермерĕм»

Районсен администрацийĕсен пуçлăхĕсен АПК енĕпе ĕçлекен çумĕсем, ял хуçалăх продукцийĕ туса илекен, хими им-çамĕ, бензин-дизтопливо, техника сутакан предприятисен, банксен ертÿçисем ака уйăхĕн 12-мĕшĕнче Вăрнар районĕнче пухăнчĕç. Унта çуракине хатĕрленес, ял хуçалăх культурисене акас-лартас ыйтупа семинар-канашлу иртрĕ.

Шкулта вĕреннĕ вăхăтрах тăван ял малашлăхĕ пирки шухăшланă Виталий Музяков. Ахальтен мар шкул хыççăн строитель профессине алла илсе яла таврăннă, тĕрлĕ çĕрте ĕçленĕ. Ытти çамрăк пек хулана е ют çĕре тухса кайма шухăшĕ те пулман унăн.

Чăваш патшалăх ял хуçалăх академийĕнче биотехнологи тата агрономи факультетĕнче вĕренекен Оксана Пыркина иртнĕ çул ятарлă программăпа Германире сакăр уйăхлăх практикăра фермер хуçалăхĕнче пулнă. Вăрнар районĕнчи Çĕрпел хĕрĕ ют çĕршывра курниилтнипе хаваспах паллаштарма килĕшрĕ.

Шмукер çемйи