Archive - 2 Утă, 2015

2 Утă, 2015

Шăл пастиллĕ питпе вăранни... асран тухмасть

Çуллахи вăхăтра вожатăйсем лагерьте канакан ачасемшĕн тус-юлташ çеç мар, атте-анне те пулса тăраççĕ. Вĕсем çывăх çынсем пекех арçын ачасемпе хĕрачасемшĕн яваплă-çке. Апатне çителĕклĕ çиеççĕ-и, пĕр-пĕрне кÿрентермеççĕ-и... - вожатăйăн йăлтах сăнамалла. Хальхи вăхăтра çак ĕçе студентсем те явăçаççĕ. Экзаменсене тытнăскерсемшĕн кану лагерĕ - опыт пухмалли шкул. Унта кашниех хăйне тĕрĕслеме пултарать. Республикăри аслă шкулсенче вĕренекенсем Чăваш Енри çеç мар, Хура тинĕс хĕрринчи кану лагерĕсенче те вожатăйра тăрăшаççĕ. Ачасемпе пĕр чĕлхе тупма çăмăл-и?

Çамрăксен хаçачĕ
Çамрăксем
Кану тата ĕç

2 Утă, 2015

“Чалт кăна” телекăларăмăн малашлăхĕ пур

Юлашки вăхăтра ЮТВ телеканал Шупашкарта пурăнакансемшĕн чи юратнисенчен пĕри пулса тăчĕ. Сăлтавĕ те çук мар. Юрий Гурьянов ертсе пыракан каналта çĕнĕрен те çĕнĕ кăларăмсем эфира тухаççĕ. Унсăр пуçне ялан тенĕ пек пурте пĕлекен çынсене - артистсене, эстрада юрăçисене... - кăтартаççĕ.

Çамрăксен хаçачĕ
Культура
çĕнĕлĕх

2 Утă, 2015

“Чăвашла вĕренес килсен чăвашсемпе пурăнмалла”

Люксембургра пурăнакан Томас Файдерпа пĕлтĕрхи сентябрь уйăхĕнче курнăçнăччĕ. Ун чухне вăл Чăваш Ене чăваш чĕлхине вĕренме ятарласа килнĕччĕ. Томас чăваш чĕлхи пирки пĕлĕшĕсенчен илтнĕ те унпа кăсăкланма тытăннă. Вăл ун чухне чĕлхене ăса хывас тĕллевпе Етĕрне районĕнчи Пушкăрт ялĕнче пурăннă.

Çамрăксен хаçачĕ
Культура
Çамрăксем
Тĕлĕнмелле!

2 Утă, 2015

Хăяр мĕншĕн йÿçĕ?

Хăшпĕр чухне тем пек тăрăшса пăхнă хăяр та йÿçенкĕ пулать. Мĕншĕн, тата хăяр йÿçекленесрен мĕн тумалла?

Вероника КОРАБЛЕВА. Шупашкар хули.

Тепĕр чухне алла хăяр тытатăн - симĕс, тÿрĕ, кăтрашка - шăршипе çăвара сĕтеклĕх анать. Çыртатăн çеç - кăмăл пĕтет: хăяр йÿçĕ, çиме юрăхсăр. Паллах, хăшпĕр хăярăн вĕçне касса пăрахсан, хуппине шуратсан аптрамасть пек. Анчах тепринпе апла туни те пулăшмасть.

Кил-çурт, хушма хуçалăх
Ыйту-хурав
Ял хуçалăхĕ
Пахчаçă кĕтесĕ

2 Утă, 2015

Пенсие куçарма пулать-и?

Мĕнле тÿлеççĕ-ши упăшки пенсине /вилнĕ пулсан/ арăмне? Енчен те вăл килте пĕччен пурăнмасть /ывăлĕ, кинĕ, мăнукĕсем пур/ пулсан?

Т.СОВИНА. Шăмăршă районĕ.

Çырури ыйтуран паллă мар: арăмĕ малашне упăшки пенсине илме «çемьене тăрантаракан вилсен» текен йĕркепе куçма шухăшлать-ши е упăшкин илсе ĕлкĕреймен юлашки уйăхри пенсийĕ пирки сăмах пырать.

Вилнĕ çыннăн юлашки уйăхĕнчи пенсине илес тесессĕн вăл пурăннă вырăнти Пенси фончĕн Управленине çак документсене тăратмалла:

- юлнă пенсие пама ыйтса çырни;

- пенсионер вилнине çирĕплетÿ хучĕ;

Кил-çурт, хушма хуçалăх
Ыйту-хурав
пенси

2 Утă, 2015

Иртрĕ хĕрÿ вăйă, çуталчĕ питре кулă

Кăçал çамрăк çарçăсен республика финалĕ июнĕн 25-29-мĕшĕсенче Патăрьел районĕнчи Шăнкăртам ял тăрăхĕн уçланкинче иртнĕ. Çак ăмăрту вăл - пĕр вăхăтрах вăйă та, пĕлÿ те, пиçĕхлĕхе тĕрĕслекен кĕрешÿ те.

Тантăш
Вĕрентÿ
Спорт вăййисем

2 Утă, 2015

Çамрăк ентешĕмĕрĕн пурнăçне тăшман пульли татнă

Кăçал, Аслă Çĕнтерÿ пулнăранпа 70 çул çитрĕ. Ытла та йывăр килнĕ вăл. Миçе пин çынна асап кÿмен-ши, выçăпа нушалантарман-ши, миçе çемьене, ачана тăлăха тăратса хăварман-ши, миçе пин çамрăка вăхăтсăр çĕре кĕртмен-ши хăрушă вăрçă? Анчах мирлĕ пурнăçра та пирĕнтен çамрăк- лах уйрăлса каякансем чылай. Афганистан, Чечня... Ку сăмахсене илтсен чĕре ыратса каять, пырта тем капланса килет, куççуль тухать.

Хĕлле эпир Чечен Республикинче паттăррăн çапăçса пуç хунă ентешĕмĕр, Владимир Анатольевич Антонов ячĕпе, асăну кунне ирттертĕмĕр.

Тантăш
Пулса иртни
Аслă çĕнтерÿ: 70 çул

Pages