Archive - 29 Ака, 2014

Шăмăршăри культура аталанăвĕн центрне ака уйăхĕн 25-мĕшĕнче халăх йышлă пухăннă. Унта "Савнă Шăмăршă ен" уяв пулнă. Ăна Чăваш чĕлхи кунне халалланă.

Ака уйăхĕн 26-мĕшĕнче Чăваш Ен Пуçлăхĕ Михаил Игнатьев чăваш юррине юрлакан ачасен республикăри VIII "Мехел" телеконкурсăн юлашки тапхăрĕнче пулнă.

Этемлĕхшĕн çăпата сырса çÿресси тахçанах манăçа тухнă ĕнтĕ. Çăкаран хуçнă пушмака тиртен, сăрантан çĕлетнисем улăштарнă. 100 çул каялла вăл кашни çемьерех пулнă тăк халĕ ăна музейра кăна курма пулать. Апла пулин те Чăваш Енре паян та çăпата тăвакансем пур-ха. Мĕн тĕллевпе аппаланаççĕ-ха вĕсем çак ĕçпе?

Çак кунсенче Етĕрне хулинче чăваш музыкин республика фестиваль-конкурсĕ иртнĕ. Ăна, "Хĕвел" ят панăскере, çак районта çуралса ÿснĕ Анисим Асламаса халалланă. Программăра чăваш композиторĕсен /Алексей Иванов, Геннадий Воробьев, Лариса Быренкова, Григорий Хирбю, Анисим Асламас/ произведенийĕсем пулнă.

Çак кунсенче республикăра çеç мар, çĕр-шывĕпех иртрĕç Чăваш чĕлхи кунне халалланă мероприятисем.

Çапла ят панă Культура çулталăкĕнчи Пĕтĕм тĕнчери курав проектне. Вăл иртнĕ вырсарни кун хупăннă.

Унта фототехникăпа фотопичетĕн тĕлĕнмелле коллекцине тăратнă. Çав шутра: 98 фотоаппарат /вĕсене Совет Союзĕнче тата ют çĕр-шывсенче туса кăларнă/, 1912 çулта усă курнă фотокамера...

Культура çулталăкĕ сумлă юбилейсемпе пуян. Ака уйăхĕнче, сăмахран, Аристарх Орлов-Шуçăм композитор çуралнăранпа 100 çул çитрĕ терĕмĕр. Çав уйăхăн 19-мĕшĕнче вара Чăваш халăх писателĕн Хветĕр Уярăн та 100 çулхи юбилейĕ пулчĕ.

Çак кунсенче Чăваш патшалăх филармонийĕнче Чăваш патшалăх академи юрăпа ташă ансамблĕн 90-мĕш концерт сезонĕ хупăннă. Концерта, "Савăнăç юррисем" ят панăскере, чăвашсен чаплă композиторĕ А.Г.Орлов-Шуçăм çуралнăранпа 100 çул çитнине халалланă. Программăна пĕтĕмпех Аристарх Гаврилович çырнă юрăсенчен хатĕрленĕ.

Культура çулталăкĕ вăй илсе пырать. Халăх кăмăл-сипечĕпе, ăс-хакăлне ÿстерессипе, канăвне йĕркелессипе çыхăннисем çеç мар, пур тытăмри организаци-предприяти асăннă çулталăкра хăй умне пĕр-пĕр тĕллев лартнах ĕнтĕ. Вăл пур енĕпе те аталаннă хулара вырнаçнă е пĕчĕк ял-салара - кашнийĕ хăйĕн тÿпине хывĕ. Урăхла пулма та пултараймасть.

Ака уйăхĕн 23-мĕшĕнче Чăваш наци конгресĕн Президенчĕ Николай Федорович Угаслов ертсе пынă делегаци пирĕншĕн сăваплă тăрăха - Тутарстанри Теччĕ районĕнчи Кăнна Кушкине çитсе килчĕ.

Çакăнта пурнăçăн анлă сукмакне тухнă аслă вĕрентекенĕмĕр Иван Яковлевич Яковлев ялĕ хăнасене çурхи чĕрĕлĕхпе, чăваш тараватлăхĕпе кĕтсе илнинчен тĕлĕнмелли çук. Делегаци йышĕнче конгресс вице-президенчĕсем В.Л.Клементьев, К.Г.Яковлев, ЧР Культура, Вĕренÿ министерствисен яваплă çыннисем, паллă ăсчахсемпе çыравçăсем пулчĕç.