Архив - 24 Мая, 2016 - Хыпар

Çу уйăхĕн 22-мĕшĕ, “Единая Россия” партин малтанхи сасăлавĕн кунĕ, Чăваш Еншĕн чăнласах та пысăк уява çаврăнчĕ: шутлав участокĕсенче ирех хаваслă юрă-кĕвĕ янăрарĕ, концертсем пулчĕç, чылай çĕрте пĕчĕк ачасем валли вăйă кĕтесĕ йĕркелерĕç...

Çу уйăхĕн 23-мĕшĕнче Мускавра Чăваш Ен Пуçлăхĕн Михаил Игнатьевăн тата ТехноНИКОЛЬ корпораци президенчĕн Сергей Колесниковăн ĕçлĕ тĕлпулăвĕ иртнĕ. Вĕсем республикăн строительство отраслĕн, професси вĕрентĕвĕн тытăмĕн, пĕчĕк тата вăтам предпринимательлĕх аталанăвĕн ыйтăвĕсене сÿтсе явнă.

Чăваш Республикин Министрсен Кабинечĕн Председателĕ Иван Моторин ертсе пынипе республика Правительствин членĕсемпе, федерацин тата хула округĕсен ĕç тăвакан влаç органĕсен ертÿçисемпе ĕнер иртнĕ ларăвăн кун йĕркинче виçĕ ыйту пулчĕ. Вĕсем пурте актуаллă, паянхи кунпа çыхăннă.

Иртнĕ кĕçнерникун Мускавра Японин Раççейри посольствинче Япони бизнес-клубĕн членĕсем валли Чăваш Республикин экономикăпа инвестици майĕсен презентацине йĕркеленĕ. Тĕллев — Чăваш Енпе Японин икĕ еншĕн те усăллă экономика çыхăнăвĕсене аталантарасси.

Шупашкарта ĕнер сахал йышлă халăхсен кинематографне халалланă Пĕтĕм тĕнчери кинофестиваль уçăлчĕ. Тăххăрмĕш хут йышăнтăмăр ăна.

Шупашкарти коопераци институчĕн никĕсĕ çинче çу уйăхĕн 19-мĕшĕнче Пĕтĕм тĕнчери "XXI ĕмĕрти патшалăхпа право: теорипе практикăн çивĕч ыйтăвĕсем" наука-практика конференцийĕ иртнĕ.

«Ачалăх ячĕпе, ачалăхшăн» ыркăмăллăх акцийĕ вăй илнĕренпе — нарăс уйăхĕн 9-мĕшĕнченпе — унăн пухмачне 1500 ытла предприяти-организаци, юридици сăпатĕнче тăракан, уйрăм çын 7,2 млн яхăн тенкĕлĕх пуянлатнă.

Ку енĕпе Шупашкар хулипе /989075 тенкĕ/ районĕ /563499/, Комсомольски /439048/ тата Вăрнар /351622/ районĕсем, Çĕнĕ Шупашкар /342667/ хули, Канаш /335649/, Йĕпреç /332876/ тата Патăрьел /328308/ районĕсем уйрăмах пуçаруллă. Йывăр шăпаллă çул çитмен çамрăка ятран пулăшас текен те сахал мар.

20 çул каялла, 1996 çулхи çу уйăхĕн 14-мĕшĕнче, Чăваш Енре республика историйĕнчи чи пысăк техногенлă аварисенчен пĕри — Çĕмĕрле районĕнчи Мисчĕ поселокĕ çывăхĕнчи чукун çул разъездĕнчи инкек — пулнă. Çав кун ирхи 7 сехетре тиев составĕ чукун çул рельсĕсенчен тухса кайнă: 24 вакунран 14-шĕнче дизель топливи, 3-шĕнче фенол пулнă.

Иртнĕ эрнере Вăрнар районĕнчи «Санары» агрофирма пире хĕрÿ ĕç шавĕпе кĕтсе илчĕ: хуçалăхра çĕрулми лартаççĕ. Роберт Петров ертÿçĕ пĕлтернĕ тăрăх — кăçал «иккĕмĕш çăкăр» валли 85 гектар ытла лаптăк уйăрнă. Кунта «Гала», «Белороза», «Ред Соня», «Невский» сортсене килĕштереççĕ.