Архив - Окт 2015

Тĕлĕкре те çĕлет вăл

“Тавах, анне, мана хăварманшăн”

Эрех-сăрана 21 çултан çамрăккисене мĕншĕн сутмалла?

Пысăк çăлтăр янкăр çутатрĕ те сÿнчĕ - ăна пурте курса юлчĕç

“Литература çыравçăсемсĕр пуçне урăх никама та кирлĕ мар”

Шупашкара килнĕ... ревизор

Шкулпа сывпуллашакан каччăсемпе хĕрсем аслă пĕлÿ илсе тивĕçлĕ вырăнта вăй хума тĕллевленеççĕ. Юлашки вăхăтра çамрăксене ĕç профессийĕсем илĕртме пуçларĕç. Вĕсем çур ĕмĕр каялла халăхра анлă сарăлнă специальноçсем пулнă. Колледж-техникумра ăсталăха ÿстерсе ĕç тупма та, малалла вĕренме те майсем пур.

Çĕршывра çамрăксене сиенлĕ йăласенчен пистерес тĕллевпе тĕрлĕ мероприяти иртереççĕ. Пирĕн республикăра та уяв кунĕсенче лавккара эрех-сăра сутмаççĕ. Шел те, юлашки вăхăтра хаяр шĕвеке куллен ăша яракансен çулĕ çамрăкланать. Паянхи кун ку - чи çивĕч ыйтусенчен пĕри. Саккунпа килĕшÿллĕн 18 çула çитмен ачасемпе çамрăксене эрех-сăра сутма юрамасть. Нумаях пулмасть РФ Общество палати çак ÿсĕме 21 çула çитерме сĕннĕ. Тĕрĕссипе, ку проекта унчченех вăя кĕртме майсем шыранă. Ăна 2012-2014 çулсенчех пăхса тухнă, анчах депутатсем саккуна йышăнман.

Çамрăксен театрĕн репертуарĕнчи чи вăйлă постановкăсенчен пĕринчи - "Тăм тивнĕ чечексем" спектакльти - Олешкăна курма темиçе хут та кайрăм. Арçын ача рольне вылякан Ольга Почалкина сăнара тĕлĕнмелле ĕнентерÿллĕн калăпласа кашнинчех куççульлентеретчĕ мана. Мана кăна-и?

"Çамрăксен хаçачĕн" çывăх тусĕсен йышĕнче Геннадий Уткин журналист, çыравçă - сумлисенчен пĕри. Октябрĕн 1-мĕшĕнче Геннадий Алексеевич хăйĕн 70 çулне паллă турĕ. Юбиляра "Чуна уçса калаçар" рубрика кĕрекине чĕнме шут тытрăмăр.